https://oz.sputniknews.uz/20230608/mirziyoev-italiya-bosh-vaziri-bilan-uchrashdi-35828416.html
Shavkat Mirziyoyev Italiya bosh vaziri bilan uchrashdi — foto
Shavkat Mirziyoyev Italiya bosh vaziri bilan uchrashdi — foto
Sputnik O‘zbekiston
O‘zbekiston va Italiya orasida texnologik, investitsion sheriklik bo‘yicha loyihalarni rivojlantirish hamda hududlar o‘rtasidagi aloqalarni rag‘batlantirishga kelishib olindi.
2023-06-08T22:41+0500
2023-06-08T22:41+0500
2023-06-09T12:24+0500
shavkat mirziyoyev
italiya
bosh vazir
tashrif
muzokaralar
uchrashuv
https://cdn1.img.sputniknews.uz/img/07e7/06/08/35828889_0:67:1280:787_1920x0_80_0_0_54afbeb8220fa3f062aa937501222ddd.jpg
TOShKENT, 8-iyun — Sputnik. O‘zbekiston prezidenti Shavkat Mirziyoyev, Italiyaga bo‘lib o‘tayotgan rasmiy tashrif doirasida Respublika Vazirlar kengashi raisi Jorja Meloni bilan muzokaralar o‘tkazdi.Shavkat Mirziyoyev mezbonga samimiy mehmondo‘stlik uchun minnatdorlik bildirib Italiya O‘zbekistonning Yevropadagi muhim va ishonchli sherigi ekani va so‘nggi yillarda siyosat, xavfsizlik, iqtisodiyot, energetika, madaniy-gumanitar sohalardagi hamkorlik faollashgani qayd etdi.Bosh vazir Jorja Meloni O‘zbekistonda amalga oshirilayotgan demokratik yangilanishlar va iqtisodiy islohotlarni to‘liq qo‘llab-quvvatlashini va ularning muvaffaqiyatiga ishonishini bildirdi.Tomonlar, texnologik va innovatsion sheriklik bo‘yicha qo‘shma loyihalarni ilgari surish, hududlar o‘rtasidagi to‘g‘ridan-to‘g‘ri aloqalarni rag‘batlantirish zarurligini ta’kidlashdi.Bosh vazir O‘zbekistonning Markaziy Osiyoda sheriklik, yaxshi qo‘shnichilik va ishonch muhitini mustahkamlash borasidagi sa’y-harakatlarini qo‘llab-quvvatladi hamda “Italiya – Markaziy Osiyo” hamkorlik formatini yanada rivojlantirishga chaqirdi.Afg‘onistondagi vaziyat yuzasidan fikr almashilar ekan, afg‘on xalqiga insonparvarlik yordamini ko‘rsatishni, shu jumladan, Termiz shahridagi logistika markazi imkoniyatlaridan foydalangan holda davom ettirish muhimligi ta’kidlandi.Yetakchilar huzurida ko‘p qirrali hamkorlikni kengaytirishga qaratilgan 11 ta davlatlararo, hukumatlararo va idoralararo hujjatlarni almashish marosimi ham bo‘ldi. Huquqiy masalalarda, sanoat mulki va qishloq xo‘jaligi sohalarida hamkorlik qilish to‘g‘risidagi bitimlar shular jumlasidan.Shuningdek, O‘zbekiston Madaniy meros agentligi bilan Italiya savdo agentligi o‘rtasida restavratsiya sohasida, O‘zbekiston madaniyat va san’atni rivojlantirish fondi va Italiya madaniyat vazirligi o‘rtasida madaniyat sohasida hamkorlik to‘g‘risidagi memorandumlar, tashqi ishlar vazirliklari o‘rtasida 2023-2024 yillarga mo‘ljallangan hamkorlik dasturi hamda 2026-yilga qadar madaniy almashinuvlar dasturi qabul qilindi. Uchrashuv yakunida Shavkat Mirziyoyev Jorja Melonini tashrif bilan O‘zbekistonga kelishga taklif etdi.
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
2023
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
o‘zbekiston italiya mirziyoyev meloni hamkorlik investitsiya savdo texnologiya madaniy rasmiy tashrif uchrashuv
o‘zbekiston italiya mirziyoyev meloni hamkorlik investitsiya savdo texnologiya madaniy rasmiy tashrif uchrashuv
Shavkat Mirziyoyev Italiya bosh vaziri bilan uchrashdi — foto
22:41 08.06.2023 (yangilandi: 12:24 09.06.2023) Muzokaralarda O‘zbekiston va Italiya orasida Strategik sheriklik munosabatlarini o‘rnatish to‘g‘risidagi qo‘shma deklaratsiya va yana 11 ta davlatlararo, hukumatlararo va idoralararo hujjatlar qabul qilindi.
TOShKENT, 8-iyun — Sputnik. O‘zbekiston prezidenti Shavkat Mirziyoyev, Italiyaga bo‘lib o‘tayotgan rasmiy tashrif doirasida Respublika Vazirlar kengashi raisi Jorja Meloni bilan muzokaralar o‘tkazdi.
Shavkat Mirziyoyev mezbonga samimiy mehmondo‘stlik uchun minnatdorlik bildirib Italiya O‘zbekistonning Yevropadagi muhim va ishonchli sherigi ekani va so‘nggi yillarda siyosat, xavfsizlik, iqtisodiyot, energetika, madaniy-gumanitar sohalardagi hamkorlik faollashgani qayd etdi.
Bosh vazir Jorja Meloni O‘zbekistonda amalga oshirilayotgan demokratik yangilanishlar va iqtisodiy islohotlarni to‘liq qo‘llab-quvvatlashini va ularning muvaffaqiyatiga ishonishini bildirdi.
Tomonlar, texnologik va innovatsion sheriklik bo‘yicha qo‘shma loyihalarni ilgari surish, hududlar o‘rtasidagi to‘g‘ridan-to‘g‘ri aloqalarni rag‘batlantirish zarurligini ta’kidlashdi.
Bosh vazir O‘zbekistonning Markaziy Osiyoda sheriklik, yaxshi qo‘shnichilik va ishonch muhitini mustahkamlash borasidagi sa’y-harakatlarini qo‘llab-quvvatladi hamda “Italiya – Markaziy Osiyo” hamkorlik formatini yanada rivojlantirishga chaqirdi.
Afg‘onistondagi vaziyat yuzasidan fikr almashilar ekan, afg‘on xalqiga insonparvarlik yordamini ko‘rsatishni, shu jumladan, Termiz shahridagi logistika markazi imkoniyatlaridan foydalangan holda davom ettirish muhimligi ta’kidlandi.
Muzokaralar yakunida Shavkat Mirziyoyev va Jorja Meloni ikki mamlakat o‘rtasida Strategik sheriklik munosabatlarini o‘rnatish to‘g‘risidagi qo‘shma deklaratsiyani qabul qildilar.
Yetakchilar huzurida ko‘p qirrali hamkorlikni kengaytirishga qaratilgan 11 ta davlatlararo, hukumatlararo va idoralararo hujjatlarni almashish marosimi ham bo‘ldi. Huquqiy masalalarda, sanoat mulki va qishloq xo‘jaligi sohalarida hamkorlik qilish to‘g‘risidagi bitimlar shular jumlasidan.
Shuningdek, O‘zbekiston Madaniy meros agentligi bilan Italiya savdo agentligi o‘rtasida restavratsiya sohasida, O‘zbekiston madaniyat va san’atni rivojlantirish fondi va Italiya madaniyat vazirligi o‘rtasida madaniyat sohasida hamkorlik to‘g‘risidagi memorandumlar, tashqi ishlar vazirliklari o‘rtasida 2023-2024 yillarga mo‘ljallangan hamkorlik dasturi hamda 2026-yilga qadar madaniy almashinuvlar dasturi qabul qilindi.
Uchrashuv yakunida Shavkat Mirziyoyev Jorja Melonini tashrif bilan O‘zbekistonga kelishga taklif etdi.
