Test sinovlari o‘tkazilishi munosabati bilan ayrim avtobuslar harakati ertaroq boshlanadi
09:51 01.08.2023 (yangilandi: 11:27 01.08.2023)
© Sputnik / Aktan Temirkanov
Obuna bo‘lish
Test sinovlari o‘tkaziladigan manzillar orqali harakatlanuvchi shahar jamoat transporti yo‘nalishlari harakati soat 05:00 dan tashkil etiladi.
TOShKENT, 1 avg — Sputnik. Toshkentda test sinovlari o‘tkazilishi munosabati bilan ayrim jamoat transporti yo‘nalishlarining harakati soat 05:00 dan boshlanadi. Bu haqda “Toshshahartransxizmat” xabar berdi.
Aytilishicha, 1-avgust kunidan 13-avgust kuniga qadar, 2023-2024 o‘quv yili uchun Toshkentda bir nechta manzillarda test sinovlari o‘tkazilishi munosabati bilan bu manzillar orqali harakatlanuvchi shahar jamoat transporti yo‘nalishlarining harakati soat 05:00 dan tashkil etiladi.
Test sinovlari o‘tkaziladigan manzillar orqali harakatlanuvchi shahar jamoat transporti yo‘nalishlari
© Aksionernoe obshestvo "Toshshaxartransxizmat"
Test sinovlari o‘tkaziladigan manzillar orqali harakatlanuvchi shahar jamoat transporti yo‘nalishlari:
19, 50, 63, 115, 85, 88, 152, 24, 51, 67, 91, 93, 95, 140, 2, 38, 89, 136, 44, 68, 155, 17, 58, 60, 76, 53, 64, 65, 141, 196, 133m va 28m
Eslatib o‘tamiz, bugun, 1-avgust kuni respublika bo‘ylab oliy ta’lim muassasalariga kirish imtihonlari boshlandi. Toshkent shahrida kirish imtihonlari bir vaqtning o‘zida shaharning bir nechta obyektlarida – “O‘zekspomarkaz”ning ko‘rgazma pavilonlarida, Oliy o‘quv yurtlararo sport majmuasi va “Yoshlik” sport markazida o‘tkazilmoqda.
