U23 Osiyo kubogi: O‘zbekiston — Afg‘oniston 8:1
21:14 06.09.2023 (yangilandi: 10:23 07.09.2023)
© UFA
Obuna bo‘lish
Bugun U-23 Osiyo kubogi saralash bahslarida doirasida O‘zbekiston olimpiya terma jamoasi Afg‘onistonga qarshi maydonga tushdi.
TOShKENT, 6 sen — Sputnik. Futbol bo‘yicha 2024-yilgi U-23 Osiyo kubogining saralash bosqichi doirasida O‘zbekiston va Afg‘oniston jamoalari uchrashuvi Toshkentdagi "JAR" stadionida bo‘lib o‘tdi.
O‘zbekiston jamoasi o‘yinni katta ustunlik bilan o‘tkazdi. Gollar va ularning mualliflari quyida:
1.
Jasur Jaloliddinov, 12 daqiqa 2.
Alibek Davronov, 35 daqiqa3.
Husayn Norchayev, 46 daqiqa4.
Husayn Norchayev, 51 daqiqa5.
Jasur Jaloliddinov, 53 daqiqa 6.
Husayn Norchayev, 86 daqiqa 7.
Alisher Odilov, 87 daqiqa 8.
Muhammadqodir Hamraliyev, 90 daqiqaAfg‘oniston jamoasi tomonidan urilgan yagona golni Mosavi ismli hujumchi 42 daqiqada kiritdi.
U23 Osiyo kubogi doirasida Gonkong - O‘zbekiston o‘yini 9-sentabr kuni, O‘zbekiston - Eron o‘yini esa 12-sentabr kunlari bo‘lib o‘tadi. Barcha o‘yinlar “JAR” stadionida o‘tadi.
Eslatib o‘tamiz, 2024-yil 15-aprel – 3-may kunlari Qatarda U-23 Osiyo kubogi bo‘lib o‘tadi. Saralash bosqichiga qur’a tashlash marosimi 25-may kuni Kuala-Lumpurdagi OFK qarorgohida o‘tkaziladi.
Ma’lumot uchun, ushbu musobaqa Parij-2024 Olimpiya o‘yinlari uchun litsenzion turnir vazifasini o‘tab beradi. Unda dastlabki 3 o‘rinni qo‘lga kiritgan jamoalar to‘g‘ridan-to‘g‘ri Olimpiada yo‘llanmasiga ega bo‘ladi. To‘rtinchi o‘rin egasi qit’alararo pley-off bosqichi orqali kurashni davom ettiradi.
