Qatarda Mirziyoyevni rasmiy kutib olishga bag‘ishlangan tantanali marosim bo‘lib o‘tdi — foto
15:34 02.10.2023 (yangilandi: 15:45 02.10.2023)
Obuna bo‘lish
O‘zbekiston yetakchisi Shavkat Mirziyoyevni Qatar amiri shayx Tamim bin Hamad Ol Soniy samimiy kutib oldi.
TOShKENT, 2 okt — Sputnik. Bugun, 2-oktabr kuni Doha shahridagi “Amiri Devon” majmuasida davlat tashrifi bilan Qatarda bo‘lib turgan O‘zbekiston prezidentini rasmiy kutib olishga bag‘ishlangan tantanali marosim bo‘lib o‘tdi. Bu haqda prezident matbuot xizmati xabar berdi.
O‘zbekiston yetakchisi Shavkat Mirziyoyevni Qatar amiri shayx Tamim bin Hamad Ol Soniy samimiy kutib oldi.
Oliy martabali mehmon sharafiga faxriy qorovul saf tortdi. Harbiy orkestr ikki mamlakat madhiyalarini ijro etdi.
Davlat rahbarlari faxriy qorovul safi oldidan o‘tdilar va rasmiy delegatsiyalar a’zolarini qutladilar. Marosimdan so‘ng oliy darajadagi muzokaralar boshlandi.
