Maxsus operatsiya: 24-oktabrning asosiy xabarlari
© Sputnik / Stanislav Krasilnikov
/ Obuna bo‘lish
Rossiya Qurolli kuchlarining Ukrainani demilitarizatsiya va denatsifikatsiya qilish bo‘yicha maxsus harbiy operatsiyasi, belgilangan maqsadlar yo‘nalishida muvaffaqiyatli davom etmoqda.
TOShKENT, 24 okt — Sputnik. Rossiya Federatsiyasi olib borayotgan maxsus harbiy operatsiyaning so‘nggi sutka davomida sodir bo‘lgan asosiy voqealari.
Kupansk yo‘nalishida "G‘arb" kuchlar guruhi Xarkov viloyati Ivanovka, Sinkovka va Sergeyevka aholi punktlari hududida UQKning 14, 32 mexanizatsiyalashgan, 68 -yeger, 101-hududiy mudofaa brigadalarining 8ta hujumini qaytardi. Dushman yo‘qotishlari 60 ga yaqin harbiy xizmatchilar, ikkita yuk mashinasini tashkil etdi.
Krasniy Liman yo‘nalishida "Markaz" kuch bo‘linmalari DXRning Yampolovka, LXRning Chervonniya Dibrava aholi punktlari hududlarida UQKning 21, 31 va 63-mexanizatsiyalashgan brigadalarining 11ta hujumini qaytardi. DXRning Grigorovka aholi punkti hududida UQKning 12-maxsus kuchlari brigadasining shaxsiy tarkibi va texnikasiga zarba berildi. Dushman yo‘qotishlari 125 dan ortiq harbiy xizmatchi, beshta zirhli jangovar texnika va to‘rtta texnikani tashkil etdi.
Donesk yo‘nalishida "Janub" kuchlar guruhi bo‘linmalari DXRning Klesheyevka va Kurdumovka aholi punktlari hududlarida dushmanning ishchi kuchi va texnikasiga zarba berdi. Oxirgi 24 soat ichida 235 dan ortiq ukrainalik harbiy xizmatchi, ikkita BMP va to‘rtta boshqa harbiy texnikasini yo‘qotdi.
Artilleriyaga qarshi jang paytida AQShda ishlab chiqarilgan M777 artilleriya tizimi, Polshada ishlab chiqarilgan uchta o‘ziyurar artilleriya majmuasi, "Msta-B" gaubitsasi va Gvozdika o‘ziyurar artilleriya moslamasi yo‘q qilindi. UQKning 93-mexanizatsiyalashgan brigadasi dala o‘q-dori ombori vayron qilindi.
Janubiy Donesk yo‘nalishida "Sharq" qo‘shinlari bo‘linmalari DXRning Ugledar, Nikolskoe va Novomixailovka aholi punktlari hududlarida UQKning 79-havo desant, 72-mexanizatsiyalashgan, 58-moto-o‘qchi, 128-hududiy mudofaa brigadalari joylashgan pozitsiyalarga zarba berdi. Dushmanning umumiy yo‘qotishlari 110 nafar harbiy xizmatchi va to‘rtta texnikani tashkil etdi.
Zaporoje yo‘nalishida Rossiya qo‘shinlari Verbovoe qishlog‘i hududida UQKning 118-mexanizatsiyalashgan brigadasiga zarba berdi. Dushman yo‘qotishlari 75 nafar harbiy xizmatchi, bir tank va ikkita mashinani tashkil etdi.
Artilleriyaga qarshi jang paytida AQShda ishlab chiqarilgan ikkita M777 artilleriya tizimi, Msta-B va D-20 gaubitsalari va AQShda ishlab chiqarilgan M119 to‘pi yo‘q qilindi.
Xerson yo‘nalishida zarbalar natijasida 24 soat ichida 55 nafar ukrainalik harbiy xizmatchi, uchta avtomashina va D-20 gaubitsasi yo‘q qilindi.
UQK Dneprning chap qirg‘og‘idagi ko‘prik boshlarini egallashga urinishda katta yo‘qotishlarga duch keldi. Shu sababli UQK dengiz piyodalari brigadalari desant missiyalarni sabotaj qilmoqda.
Armiya aviatsiyasi, uchuvchisiz apparatlari, raketa kuchlari va UQKning 109 ta hududda joylashgan ishchi kuchi va harbiy texnikasiga zarba berdi.
Havo hujumidan mudofaa tizimlari DXRning Krasnoarmeysk va Kirovograd viloyatining Kanatovo tumanlaridagi Ukrainaning ikkita MiG-29 samolyotini urib tushirdi. Dnepropetrovsk viloyatining Olenovka posolkasi hududida Ukraina harbiy-havo kuchlarining L-39 jangovar o‘quv samolyoti urib tushirildi.
Kun davomida beshta AQShda ishlab chiqilgan JDAM boshqariladigan havo bombalari va beshta HIMARS raketasi tutib olindi.
Shuningdek, Zaporoje viloyatining Tokmak, DXRning Berestovoe, LXRning Zolotarevka, Kremennaya va Xerson viloyatidagi Sagi aholi punktlari hududlarida Ukrainaning 44 ta uchuvchisiz apparati yo‘q qilindi.
Maxsus harbiy operatsiya boshlangandan beri Ukraina Qurolli kuchlari jami 511ta samolyot, 253 tavertolot, 8 220 ta uchuvchisiz apparat, 441 ta zenit-raketa tizimi, 12 890 ta tank va boshqa zirhli jangovar mashinalar, 1169 ko‘p raketali reaktiv tizimlar jangovar texnikasi, 6865 ta dala artilleriya qurollari va minomotlar, shuningdek, 14602 dona maxsus harbiy avtomobillaridan mahrum bo‘ldi.
