Toshkentda Ginness rekordlari kitobiga kiritilgan “One Run” xalqaro marafoni bo‘lib o‘tadi

Gorodskoy marafon - Sputnik O‘zbekiston, 1920, 06.05.2024
Obuna bo‘lish
Xalqaro marafon “Yangi O‘zbekiston” bog‘ida bo‘lib o‘tadi.
TOShKENT, 6-may — Sputnik. Toshkentda 19-may kuni ilk marta “One Run” xalqaro yarim marafoni bo‘lib o‘tadi, deya xabar berdi tadbir tashkilotchilari.
“One Run” xalqaro yarim marafoni “Yangi O‘zbekiston” bog‘ida bo‘lib o‘tadi. Ishtirokchilar uchun 4 turdagi masofa mavjud: 21 km, 10 km, 5 km va 1 km.
Marafon shu kunning o‘zida Rossiya, Qirg‘iziston (Bishkek), Xitoy (Pekin), Tojikiston (Dushanbe), Armaniston (Yerevan), Belarus (Minsk), Braziliya (Braziliya), Misr (Qohira), Qatar (Doha) kabi davlatlarda ham o‘tkaziladi.
“One Run” bir vaqtda boshlanadigan yarim marafon sifatida 2-marta Ginnessning rekordlar kitobiga kiritilgan.
Marafonda 6 yosh va undan katta yoshdagi har bir kishi 1 va 5 km masofada, 6-12 yoshli bolalar faqat ota-onalari hamrohligida yugurishlari mumkin. 10 va 21,1 km masofalarga yugurishda 18 yosh va undan katta yoshdagilar ishtirok etishlari mumkin.

“Ishtirokchining tayyorgarlik darajasi yoki qo‘shimcha hujjatlar/ruxsatnomalar mavjudligidan qat’i nazar, yosh cheklovlariga qat’iy rioya qilinadi. Buning sababi shundaki, tadbir havaskor va ommaviy bo‘lib, birinchi navbatda o‘zingizni va chidamliligingizni sinab ko‘rish uchun emas, balki jarayondan zavq olishga qaratilgan”, - deydi tashkilotchilar.

Tashkilotchilarga ko‘ra, har bir yo‘nalishda tez yordam mashinalari bo‘ladi. Shuningdek, boshlanish va tugatishda tibbiy markaz ish olib boradi.
“One Run”dan ko‘zlangan maqsad – aholi o‘rtasida sportni ommalashtirish, sheriklik va do‘stlik aloqalarini, shuningdek, mamlakatlar o‘rtasidagi madaniy almashinuvni mustahkamlash.
O‘zbekistonliklar uchun ro‘yxatdan o‘tish boshlangan.
Yangiliklar lentasi
0