Urganch shahrida O‘zbekiston – Rossiya qo‘shma komissiyasining birinchi yig‘ilishi bo‘lib o‘tdi.
Medvedev o‘z chiqishida, xususan, mamlakatlar o‘rtasidagi o‘zaro tovar ayirboshlash jadal sur’atda o‘sib borayotgani haqida to‘xtalib o‘tdi.
“Biz savdo-iqtisodiy, sanoat, energetika, madaniy-gumanitar va qishloq xo‘jaligi sohalarida hamkorlikni rivojlantirish niyatidamiz. Faqat o‘tgan yili mamlakatlarimiz o‘rtasidagi tovar ayirboshlash hajmi 25 foizga o‘sdi — 4,5 milliard dollarga yetdi va o‘sish sur’atlari saqlanib qolmoqda. Biz oldimizga katta rejalarni qo‘ydik – ushbu ko‘rsatgichni yaqin vaqt mobaynida 10 milliard dollargacha yetkazish. Ishonchim komilki, buni uddasidan chiqamiz”, - deya ta’kidladi Dmitriy Medvedev.
Rossiya hukumati raisi Rossiyaning O‘zbekiston bilan bo‘lgan savdo o‘sish ko‘rsatgichlari MDHdagi eng yuqorilaridan biri ekanligini qo‘shimcha qildi.
Shavkat Mirziyoyev va Dmitriy Medvedev nimalarni muhokama qildi
Urganchda bo‘lib o‘tgan hukumat rahbarlari darajasidagi qo‘shma komissiya o‘tgan yilning oktabr oyida, Rossiya va O‘zbekiston prezidentlari muzokaralari yakuniga ko‘ra tashkil topgan.
