15:05 28 Noyabr 2020
Efir
  • RUB136.69
  • EUR12344.73
  • USD10414.86
Iqtisod
Havola olish
98 0 0

Shavkat Mirziyoyev davlat boshqaruvida boʻlgan yirik loyiha korxonalari hamda bozorlar faoliyatida davlat ishtirokini qayta koʻrib chiqishni taklif qildi.

TOSHKENT, 29 okt - Sputnik. Prezident huzurida 28 oktyabr kuni boʻlib oʻtgan davlat mulkini xususiylashtirish samaradorligini oshirishga bagʻishlangan videoselektor yigʻilishida yirik qurilish korxonalari va bozorlar boshqaruvida davlat ishtiroki masalasi ham muhokama qilindi. 

Xususan, davlat loyiha institutlarini transformatsiya qilish masalasida quyidagi takliflar bildirildi. Oʻzbekistndu bugungi kunda yirik qurilish korxonalari koʻpayib borayotganini hisobga olgan holda, ularni davlat loyiha institutlari bilan kooperatsiya qilish orqali bogʻlab, loyihalar sifatini oshirish, boshqaruvni yaxshilash taklif qilindi. 

Namuna sifatida “Qishloq qurilish loyiha”, “Ogʻir sanoat loyiha”, “Georangmet LITI”, “Shaharsozlik LITI”, “Tosh uy-joy LITI”, “Toshkent boshplan LITI” loyiha institutlarida ushbu yangi tizim joriy etilishi belgilandi. Loyiha institutlaridagi davlat ulushi keyinchalik hamkor qurilish tashkilotlariga sotiladi.

Ikkinchidan, boshqaruvida davlat ulushi boʻlgan bozorlar samaradorligini oshirish masalasi ham koʻrib chiqildi. Xususan, 500 dan ziyod bozor va savdo majmualaridagi davlat ishtirokini tubdan qayta koʻrib chiqish zarurligi taʼkidlandi. Chunki hozirgi kunda ularning 23 tasi zarar bilan ishlayapti, 210 tasi esa past rentabelli.

Bunday sharoitda bozorlarni ham savdo, ham dam olish, ham koʻngilochar markazlarga aylantirish yaxshi iqtisodiy samara beradi. Shu maqsadda loyihalar ishlab chiqilib, investorlar oʻrtasida tanlov eʼlon qilinishi aytildi.

Tanlov gʻolibiga eng yaxshi shartlarda bank krediti ajratiladi. Shuningdek, tadbirkor bozor daromadini oshirib, soliq tushumlari va ish oʻrinlarini muntazam koʻpaytirib borsa, unga bozorning davlat ulushini boʻlib-boʻlib xarid qilish imkoniyati beriladi. Viloyat hokimlariga bozor va savdo majmualari faoliyatini shu tarzda yoʻlga qoʻyish boʻyicha koʻrsatmalar berildi.

Undan tashqari, prezident farmonida yana 32 ta yirik davlat korxonasi va xoʻjalik birlashmasi transformatsiya qilinishi belgilangan. Xususan, “Oʻzkimyosanoat”, “Oʻzavtosanoat”, “Oʻzdonmahsulot”, “Oʻzsuvtaʼminot” tashkilotlari butun tizimi bilan transformatsiya qilinadi.

Ushbu maqsadda Moliya vazirligida alohida departament tashkil etildi. Mutasaddilarga qolgan tarmoqlarni ham chuqur tahlil qilib, transformatsiya boʻyicha takliflar tayyorlash vazifasi qoʻyildi.

 

Asosiy mavzular