08:47 21 Sentyabr 2020
Efir
  • RUB137.65
  • EUR12194.82
  • USD10295.33
Hodisalar
Havola olish
664 0 0

Anqara shahri prokuraturasi bergan maʼlumotga koʻra ayni paytda tergov tadbirlari olib borilmoqda, jumladan, guvohlar soʻroq qilinmoqda.

TOSHKENT, 1 okt – Sputnik. Oʻzbekiston TIV Anqarada oʻz joniga qasd qilgan oʻzbekistonlik qiz haqida rasmiy maʼlumot berdi.

TIV xabarida qayd etilishicha, Oʻzbekistonning Turkiyadagi elchixonasi 2019 yilning 23 sentyabr kuni Anqara shahrida Oʻzbekiston fuqarosi Nodira Qurbonovaning fojiali oʻlimi bilan bogʻliq vaziyat oʻz nazoratida ekanligini maʼlum qilgan.

Anqara shahri prokuraturasi bergan maʼlumotga koʻra ayni paytda tergov tadbirlari olib borilmoqda, jumladan, guvohlar soʻroq qilinmoqda, telefon soʻzlashuvlar va elektron yozishlamalar mazmuni oʻrganilmoqda. Tegov organlari sud-tibbiy ekspertiza xulosasini kutmoqda.

Shuningdek, elchixona xodimlari Turkiyada yashaydigan oʻzbek diasporasi vakillarining mazkur masala boʻyicha savollariga javob bermoqda.

OAVda tarqalgan maʼlumotlarga koʻra, 23 yashar Nodira Qodirova Turkiyaning Adolat va taraqqiyot partiyasi deputati Shirin Unal tufayli oʻz joniga qasd qilgan. Nodira deputatning uyida uning kasalmand rafiqasini parvarishlash bilan band boʻlgan.

Konsullik huquqiy departamenti marhumaning yaqinlari va oilasiga hamdardlik bildiradi hamda Turkiya, Bolgariya, Iroq, Ruminiya va JAR hududida boʻlib turgan fuqarolar zarur vaziyatlarda mamlakatning Anqara shahridagi elchixonasiga (tel.: +90 312-441-17-46, +90 312-441-38-71/72) yoki Istanbul shahridagi bosh konsulxonasiga (tel.: +90 212-323-20-37, +90 212-229-00-75) murojaat qilishlari mumkinligini eslatib oʻtgan.

Asosiy mavzular