12:16 27 Yanvar 2020
Efir
  • RUB155.06
  • EUR10585.77
  • USD9547.05
Hodisalar
Havola olish
282 0 0

Qoraqalpogʻistonning Shumanay tumanida istiqomat qiluvchi fuqaro K. Ataniyazov lizingning birlamchi toʻlovi – 49 mln. 250 ming soʻm toʻlab ham Kobalt mashinasini ololmagan.

TOSHKENT, 13 yanv – Sputnik. Qoraqalpogʻistonning Shumanay tumanida istiqomat qiluvchi fuqaro K. Ataniyazov lizingning birlamchi toʻlovi –  49 mln. 250 ming soʻm toʻlab ham Kobalt mashinasini ololmagan. Bu haqda Monopoliyaga qarshi kurashish qoʻmitasi matbuot xizmati maʼlum qildi.

Qayd etilishicha, qoraqalpogʻistonlik fuqaro K.Ataniyazov “Umid Savdo Fayz Invest” MCHJ bilan 2018 yil 2 noyabrda “Kobalt” rusumli avtomashinasini xarid qilish toʻgʻrisida shartnoma tuzgan. Mijoz shartnoma asosida lizingning birlamchi toʻlovi sifatida kompaniyaga 49 mln. 250 ming soʻm toʻlagan. 

Biroq shartnoma boʻyicha birlamchi toʻlov toʻlangandan soʻng 120 kun mobaynida mashinaning oʻz egasiga topshirilishi koʻzda tutilgan boʻlishiga qaramay, 120 kundan ortiq vaqt oʻtsa hamki mashinadan darak boʻlmagan.

Mijoz 2019 yil 8 avgustda “Umid Savdo Fayz Invest” MCHJni Nukus filialiga shartnomani bekor qilish va toʻlangan pulni qaytarish toʻgʻrisida ariza bilan qayta murojaat qilgan. Shartnomada shuningdek, pul  arizachining hisob raqamiga ariza berilgan vaqtdan eʼtiboran 40 kun mobaynida tushishi kerak boʻlgan. Ammo jamiyat tomonidan fuqaroning ushbu huquqi ham poymol etilgan.

Murojaatlar ortidan sarson boʻlgach, K.Ataniyazov oxirgi chora sifatida Monopoliyaga qarshi kurashish qoʻmitasi huzuridagi Isteʼmolchilar huquqini himoya qilish agentligiga murojaat qilgan.

Agentlik mutaxassislari tomonidan murojaat jiddiy oʻrganib chiqilib, bugungi kunda isteʼmolchining qonuniy huquqi tiklangan. Unga shartnoma boʻyicha toʻlangan summaning toʻliq qaytarilishiga erishilgan.

Asosiy mavzular