02:56 29 Noyabr 2020
Efir
  • RUB136.69
  • EUR12344.73
  • USD10414.86
Hodisalar
Havola olish
580 0 0

Ohangaron tuman tibbiyot birlashmasi boshligʻi va xoʻjalik ishlari boʻlimi xodimi pora bilan qoʻlga tushdi. Qoʻlga olish tadbiri DXX xodimlari bilan hamkorlikda oʻtkazilgan.

TOSHKENT, 21 yanv — Sputnik. Hamshiradan pora talab qilgan Ohangaron tuman tibbiyot birlashmasi boshligʻi va xoʻjalik ishlari boʻlimi xodimiga nisbatan jinoyat ishi qoʻzgʻatildi Bu haqda Respublika Bosh prokuraturasi matbuot xizmati maʼlum qildi.

Qayd etilishicha, Bosh prokuratura huzuridagi Departamentning Ohangaron shahar boʻlimi tomonidan shahar prokuraturasi hamda DXX xodimlari bilan hamkorlikda tezkor tadbir oʻtkazilgan.

Tadbir natijasida Ohangaron tuman tibbiyot birlashmasi xoʻjalik ishlari boʻlimi xodimi F.A. navbatchi hamshira YA.A.ni boshqa boʻlimga hamshiralikka oʻtkazib berishni vaʼda bergan.

Evaziga esa undan 200 dollarni olgan vaqtida ashyoviy dalillar bilan ushlangan. Tadbir davomida F.A. ushbu 200  dollarni tibbiyot birlashmasi boshligʻi SH.T.ga yetkazib berishi lozimligini maʼlum qilgan.

Tezkor tadbir shu joyida davom ettirilib, tibbiyot birlashmasi boshligʻi SH.T. 200 dollarni F.A. orqali pora tariqasida olgan vaqtida ashyoviy dalillar bilan ushlangan.

Hozirda holat yuzasidan jinoyat ishi qoʻzgʻatilib, tergov harakatlari oʻtkazilmoqda.

Eslatib oʻtamiz, avvalroq Oʻzbekiston bosh prokurori Nigʻmatilla Yoʻldoshev sogʻliqni saqlash sohasida korruptsiya koʻpayganini maʼlum qilgani xabar qilingan edi. Soʻnggi ikki yilda tizimdagi 581  nafar xodimlar turli jinoyatlarni sodir qilganligi uchun jinoiy javobgarlikka tortilgan.

 

Asosiy mavzular