23:50 24 Sentyabr 2020
Efir
  • RUB136.28
  • EUR12210.60
  • USD10315.62
Hodisalar
Havola olish
426 0 0

Olib borilgan tezkor-qidiruv harakatlari natijasida jinoyatchilar protsessual tartibda ushlanib, ulardan oʻgʻirlangan buyumlarning bir qismi ashyoviy dalil tariqasida rasmiylashtirib olingan

TOSHKENT, 14 avg - Sputnik. Chirchiq shahrida oqshomlari avtomobillarni tunash bilan shugʻullangan oʻsmirlar guruhi qoʻlga olindi, ular endilikda sudda javob beradi, deb xabar qilmoqda IIV huzuridagi Tergov departamenti axborot xizmati.

Maʼlum boʻlishicha, toʻrt oʻsmir (bir nafari muqaddam sudlangan)dan tashkil topgan banda talon-taroj ishlarini joriy yilning 27 iyunidan 5 iyuliga qadar boʻlgan sanada amalga oshirgan.

Ular tungi vaqtda turli rusumdagi 5ta avtomashinalar old eshiklarini bir xil usulda buzib ochib, avtomashina ichidagi narsa-buyum va naqd pullarni talon-toroj qilishgan. Oʻsmirlar tomonidan mashina egalariga jami 12 410 000 soʻm miqdorda moddiy zarar yetkazilgan.

Olib borilgan tezkor-qidiruv harakatlari natijasida jinoyatchilar protsessual tartibda ushlanib, ulardan oʻgʻirlangan buyumlarning bir qismi ashyoviy dalil tariqasida rasmiylashtirib olingan.

Mazkur holat yuzasidan Chirchiq shahar IIB huzuridagi Tergov boʻlimi tomonidan Jinoyat kodeksining 169-moddasi 2-qismi “v” bandi (oʻgʻirlik) bilan jinoyat ishi qoʻzgʻatilgan.

Dastlabki tergov jarayonida, E.B., F.M., M.K. va O.T., lar jinoyat ishida ayblanuvchi tariqasida jalb qilinib, "qamoqqa olish" tarzidagi ehtiyot chorasi qoʻllanilgan. Jinoyat ishi ayblov xulosasi bilan tegishliligi boʻyicha jinoyat ishlari boʻyicha sudga yuborilgan.

Asosiy mavzular