17:35 24 Yanvar 2021
Efir
  • RUB142.66
  • EUR12682.88
  • USD10500.81
Hodisalar
Havola olish
238 0 0

“Toshissiqquvati”ga qarashli “Sanoatenergo” qozonlaridan birining qoʻriqlanuvchi hududida tabiiy gazni oʻgʻirlash holati aniqlangan. Yetkazilgan zarar 571,3 million soʻmdan ziyodni tashkil etmoqda.

TOSHKENT, 6 dek — Sputnik. “Hududtaʼminot” AJ poytaxtning Sergeli tumanida tabiiy gazni oʻgʻirlash bilan bogʻliq holat fosh qilinganini xabar qildi.

Maʼlum qilinishicha, issiqlik taʼminoti korxonalarini tabiiy gaz bilan taʼminlash tizimini oʻrganish jarayonida tumandagi Nilufar koʻchasi 28-uyida joylashgan hamda“Quruvchi” massivining koʻp qavatli uylarini va boshqa obʼyektlarni issiqlik bilan taʼminlovchi “Toshissiqquvati”ga qarashli “Sanoatenergo” qozonlaridan birining qoʻriqlanuvchi hududida tabiiy gazni oʻgʻirlash holati aniqlangan.

Qozonxona binosining ichki qismida ikkita ohak pishirish uchun pech va 12 ta nostandart gaz gorelkalarining tabiiy gaz taʼminoti tizimiga rezina shlang orqali ulangani aniqlandi. Ohak pechlarining birida tayyor mahsulot, ikkinchisida ohak toshlari mavjud boʻlgan.

Dastlabki hisob-kitoblarga koʻra, ushbu obʼyektda tabiiy gazni noqonuniy isteʼmol qilish hajmi 571,3 ming kub metrni hamda ushbu noqonuniy xatti-harakatlar natijasida gaz taʼminoti tashkilotlariga yetkazilgan zarar 571,3 million soʻmdan ziyodni tashkil etmoqda.

Ushbu holat yuzasidan barcha dalil va hujjatlar huquqni muhofaza qilish idoralariga taqdim etilgan.

Asosiy mavzular