22:32 29 Sentyabr 2020
Efir
  • RUB132.07
  • EUR12003.57
  • USD10321.21
Migratsiya
Havola olish
738 0 0

Chegarani kesib oʻtish bilan bogʻliq masalalarni hal qilish Orenburg hukumati vakolatlariga kirmasada, ammo hukumat vakillari Qozogʻiston bilan chegarada "bojxona yoʻlagi" haqidagi mish-mishlar tufayli adashgan odamlarga yordam berish uchun barcha imkoniyatlarni ishga solmoqda.

TOSHKENT, 5 avg - Sputnik. Orenburg va Samara viloyatlari chegarasida toʻplanib qolgan 3,5 mingdan ziyod Qirgʻiziston va Oʻzbekiston fuqarolari vatanga qaytarila boshladi, deya xabar berdi Orenburg hukumati.

Viloyat hokimiyati taqdim etgan maʼlumotlarga koʻra, Rossiya-Qozogʻiston chegarasi - Orenburgning Buzuluk va Samara viloyati hududida 3 mingga yaqin Qirgʻiziston fuqarolari va 500 dan ortiq Oʻzbekiston fuqarolari toʻplangan.

"Buzuluk viloyati va Samara viloyati hududida boʻlgan Qirgʻiziston fuqarolari ikki kun davomida Qozogʻiston Respublikasi bilan chegara orqali oʻtkaziladi va vatanga yoʻl oladi. Oʻtkazilayotgan Qirgʻiziston fuqarolarining umumiy soni 3 ming kishiga yaqin. Shuningdek, vatanga qaytish imkoniyatini kutib turgan Oʻzbekistonning 500 ga yaqin fuqarosi, dastlabki kelishuvlarga koʻra, 6 avgust kuni chegarani kesib oʻtishlari mumkin. Ular oʻz vatanlariga temir yoʻl transporti orqali boradilar", - deb xabar qiladi viloyat hukumati.

"Bizning viloyatimiz birinchi marta notoʻgʻri maʼlumotlar tufayli adashgan odamlar uyga qaytish imkoniyatini kutayotgan maydonchaga aylanayotgani yoʻq. Ular charchagan, ammo buyogʻiga oz qoldi: ular yaqin kunlarda oʻz uylariga qaytishlari mumkin", - deya iqtibos keltiradi Orenburg viloyati gubernatori Denis Paslerdan hukumat matbuot xizmati.

Mintaqa hukumatining RIA Novostiga maʼlum qilishicha, migrantlar vaqtincha istiqomat qilayotgan palatkalar shaharchasida keksa yoshdagi kishilar, homiladorlar va bolalar soni juda koʻp. "Chegarani kesib oʻtish bilan bogʻliq masalalarni hal qilish mintaqaviy hokimiyat vakolatlariga kirmasada, viloyat hukumati Qozogʻiston bilan chegarada "bojxona yoʻlagi" haqidagi mish-mishlar tufayli adashgan odamlarga yordam berish uchun barcha imkoniyatlarni ishga solmoqda. Biz ularni suv va elektr quvvati bilan taʼminlayapmiz" - dedi suhbatdosh.

Asosiy mavzular