08:27 14 Iyul 2020
Efir
  • RUB143.88
  • EUR11518.27
  • USD10194.96
Siyosat
Havola olish
136012

Usmonxoʻjayev 1989 yilning 27 dekabr kuni "Paxta ishi" boʻyicha 12 yilga ozodlikdan mahrum etilgan. 1990 yilda Oʻzbekistonning birinchi prezidenti Islom Karimov tashabbusi bilan ozodlikka chiqqan

TOSHKENT, 17 mar — Sputnik. Oʻzbekistonning sobiq rahbarlaridan biri Inomjon Buzrukovich Usmonxoʻjayev 17 martga oʻtar kechasi, 87 yoshida vafot etdi, deb xabar qilmoqda mahalliy OAV.

Inomjon Usmonxoʻjayev Sharof Rashidovdan keyin 1983-1988 yillarda Respublikaga rahbarlik qilgan. U shu vaqtgacha tirik boʻlgan Oʻzbekistonning ikki sobiq rahbaridan biri edi.

Inomjon Usmonxoʻjayev 1930 yilning 20 may kuni Fargʻonada tavallud topgan.

1955 yilda Oʻrta Osiyo politexnika instituti tamomlagan.

Muhandis, Margʻilon shahri bosh meʼmori boʻlib ishlagan.

1962 yildan partiya ishiga oʻtgan, Fargʻona shahar kengashi raisi, Oʻzbekiston KP Sirdaryo viloyat qoʻmitasi kotibi, Sobiq Ittifoq MQ xodimi boʻlib ishlagan.

1972-1974 yillarda – Namangan viloyati ijoriya qoʻmitasi raisi boʻlgan.

1974 yilning dekabridan 1978 yilning dekabriga qadar – Oʻzbekiston KP Andijon viloyati qoʻmitasi birinchi kotibi.

1978 yilning 22 dekabridan 1983 yilning 20 dekabriga qadar – Oʻzbekiston SSR Oliy Kengashi Prezidium Raisi, shu bilan bir vaqtda – 1979 yilning 18 aprelidan 1983 yilning 28 dekabriga qadar – Sobiq Ittifoq Oliy Kengashi Prezidiumi Raisi oʻrinbosari boʻlgan.

1983 yilning 3 noyabridan 1988 yilning 12 yanvariga qadar – Oʻzbekiston KP MQ birinchi kotibi.
Keyinchalik "qayta qurish" davrida korruptsiyada ayblanib, Oʻzbekiston KP MQ birinchi kotibi lavozimidan ozod etilgan, Sobiq Ittifoq Oliy Kengashi Prezidiumi aʼzoligidan chetlashtirilgan. 1988 yilning 28 noyabrida Sobiq Ittifoq Kommunistik Partiyasi MQdan ham chiqarilgan.

1989 yilning 27 dekabr kuni "Paxta ishi" boʻyicha 12 yilga ozodlikdan mahrum etilgan. 1990 yilda Oʻzbekistonning birinchi prezidenti Islom Karimov tashabbusi bilan ozodlikka chiqqan.

Soʻnggi vaqtlarda I.B.Usmonxoʻjayev Fargʻona shahrida oʻgʻillari va nabiralari bilan birgalikda yashayotgan edi.

Usmonxoʻjayev haqida filmlar olingan, kitoblar yozilgan. Xususan, Rafiq Nishonovning "Daraxtlar tonggacha koʻkaradi" nomli, 2012 yilda eʼlon qilingan asarida ham unga alohida bob ajratilgan. Shuningdek, "Otamdan qolgan dalalar" va "Generallar oʻyini" romanlarida Usmonxoʻjayev bilan bogʻliq syujetlar bor.

Asosiy mavzular