07:15 30 Noyabr 2020
Efir
  • RUB136.69
  • EUR12344.73
  • USD10414.86
Siyosat
Havola olish
461 0 0

AQSH kongressi tomonidan mudofaa byudjetiga "Shimoliy oqim - 2", va "Turk oqimi"ga qarshi sanktsiyalar kiritilishi qarori haqida gapira turib, Lavrov, bunday choralar bilan loyihaning amalga oshishini toʻxtatib boʻlmasligiga ishonch bildirgan.

TOSHKENT, 11 dek - Sputnik. AQSH prezidenti Donald Tramp bilan muzokaralar oʻzaro tushunish muhitida oʻtdi, tomonlar qator dolzarb muammolarni muhokama qildilar, dedi Rossiya TIV rahbari Sergey Lavrov Vashingtondagi elchixonada oʻtkazilgan matbuot-anjumanida.

"Biz AQShdagi ichki vaziyatni tushunamiz, lekin ikkala tomonda ham biz natijalarga erisha oladigan sohalarda ishlashga qiziqish bor", - deb qayd etdi vazir.

Xususan, Rossiya, Lavrovning soʻzlariga koʻra, AQShga strategik hujum qurollarini qisqartirish toʻgʻrisidagi (DSNV)shartnomasini uzaytirishning "istalgan variantini" taklif etgan. TIV rahbari shuningdek, Moskva SNV-3 shartnomasini uzaytirishga tayyorligini tasdiqlagan.

Bundan tashqari, Rossiya TIV rahbari AQSH prezidenti bilan AQShning Tehron bilan birga tuzilgan bitimdan chiqishi tufayli Fors qoʻltigʻida inqiroz chuqurlashib ketishiga yoʻl qoʻymaslik, hamda Shimoliy Koreyaga qarshi sanktsiyalar masalasini muhokama qilganligi haqida gapirgan.

AQSH kongressining mudofaa byudjetiga "Shimoliy oqim - 2", va "Turk oqimi" ga qarshi sanktsiyalarni kiritish qarori haqida gapira turib, Lavrov, bunday choralar bilan loyihalarning amalga oshishini toʻxtatib boʻlmasligiga ishonch bildirgan.

© Sputnik / Vladimir Astapkovich

"Kongress hozirda bizning (RF va AQSH - tahr.) munosabatlarimizni yoʻqqa chiqarish orzusi ila yonmoqda. (Sobiq AQSH prezidenti Barak) Obama administratsiyasi tomonidan boshlangan ish davom etmoqda. Lekin biz bu turdagi hujumlarga oʻrganib qolganmiz va ularga qanday munosabatda boʻlishni bilamiz", - dedi vazir.

Lavrov prezident Vladimir Putin topshirigʻi bilan Trampning Gʻalaba kuniga taklif etilganini tasdiqlagan. "Prezident Tramp uni (taklifni - tahr.) koʻrib chiqmoqda. Umid qilamizki, agar bunday imkoniyat boʻlsa, toʻliq formatdagi ikki yoqlama muloqotni oʻtkazish mumkin boʻladi", - dedi u.

Donald Tramp, oʻz navbatida, oʻzining Twitterida Lavrov bilan uchrashuvni "juda yaxshi", deb baholagan. "Koʻplab mavzularni muhokama qildik, shu jumladan savdo-sotiq, Eron, Shimoliy Koreya, RSMD Shartnomasi, yadroviy qurollar ustidan nazorat va saylovlarga aralashuv kabi mavzularni. Yaqin kelajakda muloqotimiz davom etishini kutib qolaman", - deb qoʻshimcha qilgan u.

Oq uy bergan xabarlarga koʻra, Tramp Lavrov bilan uchrashuvda ikki mamlakat oʻrtasidagi savdo-sotiq manfaatini koʻzlagan holda Rossiya bilan munosabatlari yaxshilanishi muhimligini qayd etgan. Amerika yetakchisi "Rossiyaning AQShdagi saylovlarga aralashuvi" mavzusini muhokama qilgan va Rossiya TIVni Qoʻshma Shtatlarning Eron hamda KXDRga nisbatan siyosatini qoʻllab-quvvatlashga chaqirggan va oʻzaro masalalarni hal qilishda Moskva bilan hamkorlikka tayyorligini bildirgan.

Sergey Lavrov Vashingtonga seshanba kuni yetib keldi. Qisqa muddatlarda tayyorgarlik koʻrilgan tashrif, Rossiya-Amerika munosabatlaridagi navbatdagi ziddiylashuv fonida hamda Donald Trampga nisbatan eʼlon qilingan impichment boʻyicha eshituvlar qizgʻin tus olgan bir pallada kechmoqda. AQSH prezidenti bilan muzokaralar oldidan u AQSH davlat kotibi Mayk Pompeo bilan uchrashuv oʻtkazgan.

Asosiy mavzular