10:45 24 Fevral 2020
Efir
  • RUB150.07
  • EUR10319.35
  • USD9528.49
Siyosat
Havola olish
346 0 0

Toshkent shahrida Oʻzbekiston Respublikasi Oliy Majlisi Qonunchilik palatasining saylovdan keyingi birinchi majlisi boʻlib oʻtmoqda.

TOSHKENT, 20 yanv - Sputnik. Nurdinjon Ismoilov Oliy Majlis Qonunchilik palatasi spikeri etib saylandi. Bu haqda Sputnik muxbiri xabar qilmoqda.

Yangi chaqiriq Oliy Majlis Qonunchilik palatasi va Senatning ilk majlisida Nurdinjon Ismoilov Oliy Majlis Qonunchilik palatasi spikerligiga tavsiya etildi va deputatlar tomonidan bir ovozdan saylandi.

Davlat rahbari spikerning bilim va tajribasi, fidoyiligini taʼkidlab, uning va palataning ishiga muvaffaqiyat tiladi.

"Sizlar tarixiy davrda tarixiy deputatlar boʻlib saylandilaringiz. Bunga har kuni, har daqiqa munosib boʻlishingiz, xalqchil qonunlar qabul qilib, aholi farovonligiga hissa qoʻshishingiz kerak", - dedi Shavkat Mirziyoyev.

Shuningdek, yangi taʼsis etilgan Qonunchilik palatasi spikerining birinchi oʻrinbosari lavozimiga Akmal Saidov tayinlandi.

Nurdinjon Ismoilov 1959 yil 20 yanvar kuni Namangan viloyati Uchqoʻrgʻon tumanida tavallud topgan. Millati – oʻzbek. Maʼlumoti – oliy. 1980 yilda Toshkent davlat universitetini tamomlagan. Yuridik fanlari nomzodi. 1999 yil “Shuhrat” medali, 2002 yil “Doʻstlik” ordeni bilan mukofotlangan.

Asosiy mavzular