22:52 20 Sentyabr 2020
Efir
  • RUB137.65
  • EUR12194.82
  • USD10295.33
Siyosat
Havola olish
334 0 0

Prezidentlik poygasida Aleksandr Lukashenkoning raqibi boʻlgan Valeriy Tsepkalo 30dan ortiq davlat yetakchilariga maktub yozdi va unda ayni vaqtda Belarus hukumati mamlakatda saylov jarayonining erkin va adolatli oʻtkazilishiga faol toʻsqinlik qilayotgani haqida bayon etdi

TOSHKENT, 4 avg — Sputnik. Belarus prezidenti lavozimiga daʼvogarlik qilgan sobiq nomzod, Yuqori texnologiyalar parki sobiq rahbari Valeriy Tsepkalo dunyoning 32 davlat yetakchilariga respublikada erkin saylovlarni tashkil etishda yordam soʻrab maktub yoʻlladi, deb xabar bermoqda RIA Novosti.

Ayni vaqtda Belarusda saylov kampaniyasi boʻlib oʻtmoqda, asosiy ovoz berish kuni 9 avgustga belgilangan. Muddatdan oldin ovoz berish 4 avgust kuni boshlanadi. Prezident lavozimiga besh kishi daʼvogarlik qilmoqda, ular orasida oltinchi marta oʻz nomzodini prezidentlikka ilgari surgan amaldagi davlat rahbari Aleksandr Lukashenko ham bor.

"Butun Belarus xalqi nomidan ovoz berish va ovozlarni sanashda xalqaro kuzatuvni tashkil etishda qoʻllab-quvvatlashingizni, davlatingiz hududida istiqomat qiluvchi Belarus fuqarolari uchun ham ushbu ovoz berish jarayonining oʻtkazilishini qoʻllab-quvvatlashingizni soʻrayman", - deb yozgan Tsepkalo.

U shuningdek, Belarus oppozitsiyasi maqsadi - Svetlana Tixanovskaya gʻalabasi ekanligini aytgan. Siyosatchining soʻzlariga koʻra, Tixanovskaya davlat rahbari etib saylangan taqdirda, olti oygacha boʻlgan muddatda yangi prezident saylovlari oʻtkaziladi va unda barcha nomzodlar, jumladan, qamoqda boʻlganlari ham ishtirok etadi.

Ikki hafta burun Tsepkaloning shoshilinch tarzda Moskvaga yoʻl olgani xabar qilingan edi. Siyosatchining rafiqasi Belarusda qolgan. RIA Novosti bilan suhbatda, Tsepkalo, ayni vaqtda hibsga olinishi xavfi borligi uchun vatanga qaytish niyati yoʻqligini maʼlum qilgan. Oʻtgan haftada siyosatchi Ukrainaga yetib kelgan.

Asosiy mavzular