21:04 12 Noyabr 2019
Efir
  • RUB148.82
  • EUR10455.03
  • USD9490.77
Deti iz Sirii poluchayut meditsinskoy pomoщi v lagere bejentsev v gorode Baydji, k severu ot Bagdada

Tojikiston Suriyada ayanchli ahvolda yashayotgan fuqarolarini vataniga qaytarmoqchi

REUTERS/Stringer
Jamiyat
Havola olish
195 0 0

Ayni damda Suriyadagi qochqinlar lagerlarida jangarilarning oila aʼzolari boʻlgan kamida 575 nafar xotin-qiz va bolalar bor.

TOSHKENT, 7 okt – Sputnik. Tojikiston tashqi ishlar vazirligi Suriyaning Al-Xol qochqinlar lagerida yashayotgan 34 nafardan ortiq ayollarni va ularning bolalarini oʻz vataniga qaytarmoqchi. Bu haqida OʻzA xabar qilmoqda.

Xabarda aytilishiga koʻra, ayni damda Tojikistonning Kuvayt va Iroqdagi elchisi Zubaydullo Zubaydzoda Damashqda boʻlib Suriya hukumati va qurolli muxolifat vakillari bilan uchrashgan. 

Bir necha oy oldin Suriyada ogʻir ahvolda yashayotgan ayollar oʻz qarindoshlari yordamida Tojkiiston hukumatiga murojaat qilib, ularni vatanisha qaytarishni iltimos qilishgan edi.

Tojikiston rasmiylarining maʼlumotiga koʻra ayni damda Suriyadagi qochqinlar lagerlarida bir necha yil muqaddam ID saflariga kirib qolgan jangarilarning oila aʼzolari boʻlmish kamida 575 nafar xotin-qiz va bolalar bor. Ularning taxminan 90 nafari ayollardir, 200 dan ortiq qiz va 240 dan koʻproq oʻgʻil bola bor. Bolalarning yoshi 1 dan 17 yoshgacha. Ulardan 134 nafari soʻnggi ikki yilda tugʻilgan. Ularning koʻpchiligi Xasakiya viloyatida joylashgan “Al-Xol” lagerida yashamoqda. 

“Koʻpchilik bolalarning ota-onasi yoʻq – gʻirt yetim. Bu yakuniy statistika emas, aslida Tojikiston fuqarolarining soni yanada koʻproq boʻlishi kerak”, deydi Tojikiston hukumatidagi manba. 

Umumiy hisobda “Al-Xol” qochqinlar lagerida kamida 70 ming kishi, ulardan taxminan 10 ming xorijlik ushlab turilibdi. Bu haqda 11 sentyabr kuni BMTning Suriyaga oid hisoboti mualliflari maʼlum qilgan edi.

Biroz oldin Tojikiston rasmiylari Iroqdan ota-onasiz qolgan 84 nafar tojik bolasini vatanga qaytarish masalasida ish olib borilayotganini maʼlum qilgan edi.

Asosiy mavzular