18:26 07 Avgust 2020
Efir
  • RUB137.46
  • EUR12021.09
  • USD10209.86
Jamiyat
Havola olish
123 0 0

Yaponiyaning Itochu va Marubeni kompaniyalari Oʻzbekistonda gaz transport tizimini yangilashda ishtirok etishi mumkin.

TOSHKENT, 17 okt – Sputnik. "Oʻztransgaz" delegatsiyasi sentyabr oyida boʻlib oʻtgan, Yaponiyaga tashrifi doirasida “Itochu Corporation” va “Marubeni Corporation” kompaniyalari bilan  uchrashdi, deb xabar qildi Oʻzbekiston energetika vazirligi.

Xabarda aytilishiga koʻra,  Yaponiyada “Dispetcherlik markazi, monitoring va gaz infratuzilmasi (SCADA) obʼyektlarini boshqarish” mavzusida muzokaralar olib borilgan. Shuningdek, “Oʻztransgaz” kompaniyasi Oʻzbekistonda rejalashtirilayotgan gaz uzatish tizimini yangilash loyihasini taqdim etgan.

Yaponiya kompaniyalari, loyihaning Osiyo taraqqiyot banki tomonidan moliyalashtiriladigan, birinchi bosqichini amalga oshirish boʻyicha xalqaro tenderda ishtirok etish istagida ekanliklarini, loyihaning ikkinchi bosqichida esa Yaponiyaning imtiyozli moliyalashtirishini jalb etish bilan qatnashish fikrida ekanliklarini bildirdilar.

Shuningdek, uchrashuvda loyihaning ikkinchi bosqichini “Oʻztransgaz” bilan hamkorlikda amalga oshirish istiqbollari ham muhokama qilingan.

Eslatib oʻtamiz, ayni damda “Oʻztransgaz” 2018 – 2025 yillarga moʻljallangan Respublika gaz uzatish tizimini zamonaviylashtirish rejasini amalga oshirmoqda. Loyiha qiymati 1,5 milliard dollar boʻlib u Oʻzbekistonda yangi gaz taqsimlash stantsiyalari qurish,  tizimning “tor joylarini” bartaraf etish kabi tadbirlarni oʻz ichiga olgan.

Bugungi kunda Oʻzbekneftgaz quvvati yiliga 70 mlrd metr kub miqdorida tabiiy gaz va 8 million tonna miqdorida suyuq uglevodorodlar qazib olish imkonini beradi.

 

Asosiy mavzular