14:40 18 Noyabr 2019
Efir
  • RUB148.82
  • EUR10455.03
  • USD9490.77
Jilыe doma v Tashkente

Koʻp kvartirali uylar, shirkat va eksperiment: yangi qonun imzolandi

Foto / Ilya Buyanovskiy
Jamiyat
Havola olish
141 0 0

Vazirlar Mahkamasi 2020 yil 1 maygacha Toshkent shahrining Yakkasaroy tumanida, Jizzax va Margʻilon shaharlarida koʻp kvartirali uylarni boshqarishda ushbu Qonun normalarini aprobatsiya qilish yuzasidan huquqiy eksperiment oʻtkazadi.

TOSHKENT, 8 noya – Sputnik. “Koʻp kvartirali uylarni boshqarish toʻgʻrisida”gi Qonun prezident tomonidan imzolandi, deb xabar qildi Adliya vazirligining "Huquqiy axborot" kanali.

Qonunda koʻp kvartirali uy, umumiy mol-mulk kabi tushunchalar ochib berildi.

Jumladan, koʻp kvartirali uyga tutash yer uchastkasiga yoxud bunday uydagi umumiy foydalaniladigan joylarga mustaqil chiqish yoʻlaklariga ega boʻlgan ikki va undan ortiq kvartiralar majmui koʻp kvartirali uy hisoblanadi.

Qonunga muvofiq, koʻp kvartirali uyni boshqarish usuli koʻp kvartirali uydagi joylar mulkdorlarining umumiy yigʻilishida belgilanadi.

Koʻp kvartirali uyni boshqarish quyidagilar tomonidan amalga oshirilishi mumkin:

- bevosita joylarning mulkdorlari tomonidan;

- yuridik shaxs boʻlgan boshqaruvchi tashkilot tomonidan yoki jismoniy shaxs (yakka tartibdagi tadbirkor) boʻlgan boshqaruvchi tomonidan shartnoma asosida;

- bitta yoki zich joylashgan bir nechta koʻp kvartirali uyda turar joylarning va yashash uchun moʻljallanmagan joylarning mulkdorlarini birlashtiruvchi uy-joy mulkdorlarining shirkati boʻlgan notijorat tashkilot tomonidan.

Shuningdek, Qonunga koʻra, umumiy mol-mulk joylarning mulkdorlariga umumiy ulushli mulk huquqi asosida tegishli boʻladi.

Agar umumiy mol-mulkning boshqa shaxsga berilishi yoki foydalanish uchun oʻtkazilishi boshqa mulkdorlarning oʻz mulk huquqlarini amalga oshirishini cheklaydigan boʻlsa, u boshqa shaxsga berilishi yoki foydalanish uchun oʻtkazilishi mumkin emas.

Qonunga koʻra, Vazirlar Mahkamasi 2020 yil 1 maygacha Toshkent shahrining Yakkasaroy tumanida, Jizzax va Margʻilon shaharlarida koʻp kvartirali uylarni boshqarishda ushbu Qonun normalarini aprobatsiya qilish yuzasidan huquqiy eksperiment oʻtkazadi.

Huquqiy eksperiment yakunlari boʻyicha 2020 yil 1 iyunga qadar boʻlgan muddatda ushbu Qonun normalarini yanada takomillashtirish va uni respublikaning boshqa hududlarida qoʻllash toʻgʻrisida Qonunchilik palatasiga taklif kiritiladi.

Ushbu Qonun 2020 yil 1 avgustdan eʼtiboran kuchga kiradi.

Asosiy mavzular