11:38 05 Aprel 2020
Efir
  • RUB121.10
  • EUR10637.67
  • USD9554.22
Jamiyat
Havola olish
232 0 0

Turkmanistonning "Serdar" va Oʻzbekistonning "Qorakoʻl" podstantsiyalarini bogʻlovchi 500 kVli havo elektr uzatish tarmogʻida vaqtincha favqulotda oʻchish holati sodir boʻldi.

TOSHKENT, 4 dek - Sputnik. “Turkmenenergo” elektr uzatish tarmogʻi taʼmirlanib, import amaliyoti tiklandi, deb xabar qildi “Oʻzbekiston milliy elektr tarmoqlari” matbuot xizmati.

2019 yil 4 dekabr kuni soat 10:53 da “Serdar” (Turkmaniston) va “Qorakoʻl” (Oʻzbekiston) podstantsiyalarini bogʻlovchi 500 kVli havo elektr uzatish tarmogʻida favqulotda oʻchish holati sodir boʻlgan edi.

Magistral tarmoqdagi nosozlikni bartaraf etish uchun “Turkmenenergo” korporatsiyasi hududiy boʻlimlarining brigadalari zarar yetgan joylarini aniqlash va bartaraf etish uchun yuborilgandi. Keyinchalik maʼlum boʻldiki, “Turkmenenergo” balansidagi elektr tarmogʻi chegara hududiga yaqin joyda uzilgan boʻlib, liniya oʻzbekistonlik energetiklar tomonidan taʼmirlandi. 

““Oʻzbekiston milliy elektr tarmoqlari” AJ mutaxassislari tomonidan 807- va 820-tayanch ustunlar orasida olib borilgan taʼmirlash ishlari tugatilgandan soʻng, yaʼni bugun soat 16:23 da “Qorakoʻl” va “Serdar” podstantsiyalarini bogʻlovchi L-512 havo tarmogʻi ishga tushirilib, Turkmanistondan qabul qilinayotgan elektr energiya amaliyoti toʻliq tiklandi”, - deyilgan xabarda.

Asosiy mavzular