02:36 28 May 2020
Efir
  • RUB121.10
  • EUR10637.67
  • USD9554.22
Jamiyat
Havola olish
1147 0 0

Yaponiya hukumati oʻzbekistonliklarga viza berishdan oldin tekshirishni kuchaytirishni rejalashtirmoqda. Viza berishdan oldin test sinovlari joriy etilishi mumkin.

TOSHKENT, 10 fev – Sputnik. Yaponiya hukumati oʻzbekistonliklarga viza berishdan oldin tekshirishni kuchaytirishni rejalashtirmoqda. Oʻzbekiston yoshlari umumjahon assotsiatsiyasi xabariga asosan.

Taʼkidlanishicha, bu haqda Yaponiyaning Iqtisodiyot gazetasi maqola tayyorladi. Ushbu masala boʻyicha qaror shu yilning aprel oyida qabul qilinishi mumkin. Ular birinchi navbatda talabalar uchun vizalar berishdan oldin kengaytirilgan testlarni joriy etishmoqchi.

Shuningdek, boshqa 80 mamlakat fuqarolari vizalar berishdan oldin ularning fuqarolari jadal tekshiriladigan davlatlar roʻyxatiga kiritilishi mumkin. Roʻyxat mamlakatning iqtisodiy ahvolidan kelib chiqqan holda tuzilgan.

Oʻzbekiston yoshlari umumjahon assotsiatsiyasining Yaponiyadagi vakili Joʻrabek Hasanovning aytilishicha, bunga Yaponiyaga talabalik maqsadida kelib oʻzni ishga urgan va noqonuniy ishlar bilan shugʻullanganlarning koʻpayib ketgani sabab boʻlmoqda.

Ushbu masala yuzasidan Assotsiatsiyaning vakili: “Oʻz shaxsiy manfaatingizni davlatning (koʻpning) manfaatidan yuqori qoʻymang. Sizning xatoyingiz butun boshli davlatga taʼsir koʻrsatadi”, — deya taʼkidladi.

Asosiy mavzular