07:30 14 Avgust 2020
Efir
  • RUB138.65
  • EUR12059.09
  • USD10231.71
Jamiyat
Havola olish
462 0 0

Samarqandda tugʻilgan siam egizaklari 10 kun ham yashamadi. Chaqaloqlarda nafas va yurak yetishmovchiligi boʻlgan.

TOSHKENT, 6 iyul — Sputnik. Samarqand viloyatida tugʻilgan siam egizaklari vafot etdi. Bu haqda Sogʻliqni saqlash vazirligi xabar qilmoqda.

Taʼkidlanishicha, chaqaloqlarda nafas va yurak yetishmovchiligi boʻlgan. Ularning doimiy namlangan va ilitilgan kislorod bilan nafas olishi va tajribali mutaxassislar nazoratida boʻlishi zarur boʻlgan. Shu bois egizaklar 29 iyun kuni Samarqand viloyati bolalar koʻp tarmoqli tibbiyot markaziga oʻtkazilgan.

Biroq 6 iyul kuni shifokorlar tomonidan koʻrsatilgan tezkor muolajalarga qaramasdan chaqaloqlarda koʻp sonli tugʻma rivojlanish nuqsonlar borligi sababli dastlab soat 7:50 da siam egizaklarining birinchisi, 10:50 da esa ikkinchisi nafas va yurak yetishmovchiligi tufayli vafot etgan.

Eslatib oʻtamiz, siam egizaklarining ditsefal turiga mansub egizak qizlar 27 iyun kuni Samarqand viloyati perinatal markazida kesarcha kesish natijasida tugʻilgani xabar qilingan edi.

Asosiy mavzular