14:02 23 Oktyabr 2020
Efir
  • RUB133.19
  • EUR12153.63
  • USD10371.76
Jamiyat
Havola olish
281 0 0

Samarqandda, koronavirus boʻyicha vaziyat yomonlashuviga jiddiy tayyorgarlik koʻrildi: shifoxonalarda 8000 oʻrin, 2 oylik dori-darmon zahiralari tayyorlab qoʻyilgan.

TOSHKENT, 20 iyul – Sputnik. Samarqand viloyati hokimi Erkinjon Turdimov viloyatda COVID-19ga chalingan bemorlar soni oshishiga qanday tayyorgarlik koʻrilayotgani haqida batafsil hikoya qilib berdi.

Turdimov aytishiga koʻra viloyat koronavirus boʻyicha vaziyat yomonlashuviga jiddiy tayyorgarlik koʻrmoqda. Shifoxonlarlda zahira oʻrinlar, 2 oylik dori-darmon zahiralari, kerakli tibbiy uskunalar - bularning barchasi kasallar soni oshishiga tayyorlab qoʻyilgan.

Viloyatda quyidagi  ehtiyot choralari koʻrilgan:

  • COVID bilan kasallanganlar uchun 8000 mingta oʻrin, ogʻir bemorlar uchun 100 ta jonlantirish oʻrinlari tayyorlangan;
  • tez yordam raqami (103) uchun 24 ta raqamli telefon apparati va operatorlar ishga tushirilgan;  
  • telefon orqali tibbiy maslahat (1105) xizmati ham yoʻlga qoʻyilgan; 
  • viloyatdagi 34 ta portativ rentgen apparatlarning barchasi koronavirus bilan ishlashga oʻtkazilgan, qoʻshimcha yana 2ta maxsus apparat sotib olingan;
  • COVIDni davolash uchun kerakli 65ta dorilarning 2 oylik zahirasi tayyorlangan. Koronaviursga chalingan barcha bemorlarga dorilar viloyat byudjeti hisobidan bepul yetkazib beriladi;
  • Undan tashqari, COVID aniqlangan hollarda bemorni aniqlash va unining joylashtirishning maxsus tartibi joriy etilgan.

Ushbu tartibga koʻra, koronavirusga shubha qilingan bemorning uyiga shifokor bormaydi. Birinchi bosqichda bemor tez yordam xodimlari tomonidan maxsus Qabul punktiga olib kelinadi. U yerda bemorga 1 kuni ichisha aniq tashhis qoʻyiladi va keyin shunga qarab bemor kerakli joyga yoʻnaltiriladi.

“Shifokorlar COVID bilan kasallangan bemorning uyiga bormaydi. Chunki bunda shifokorning oʻziga ham kasallik yuqishi mumkin. Agar shifokorlar kasal boʻlsa ertaga virusga qarshi kim kurashadi? Shifokorlar bugun bizning oltin fondimiz. Ularni asrashimiz kerak. Men oʻzim koʻrdim ularning 99% oʻz ishini aʼlo darajada bajarayapti. Moddiy tomondan yordam bera olmasak ham maʼnaviy tomonda qoʻllab-quvvatlashimiz kerak”, - dedi viloyat hokimi.

Turdimov shuningdek,viloyat sogʻliqni saqlash boʻlimi bilan birgalikda qishloq poliklinikalari vrachlarini ham maxsus yoʻriqnomalar berilgani va tayyorlarlik koʻrilgani haqida aytib oʻtdi. Xususan, u yerda ishlaydigan shifokorlarga Uzmobile kompaniyasi tomonidan 800ta mobil aloqa telefonlari berilgan boʻlib, bemorlar kerak boʻlganda shifokorlar bilan ulanish imkoniyati yaratilgan.

Shu bilan birga viloyat hokimi kasallik belgilari paydo boʻlganda, oʻz-oʻzini davolamasdan darhol shifokorga murojaat qilishni maslahat berdi. 

"Profilaktika kerak, ehtiyotkorlik kerak, lekin belgilar paydo boʻlganda, albatta mutaxassiga murojaat qiling", - deydi Turdimov. 

Bunday deyishga sabab bir necha kun oldin Samarqandda boʻlgan voqea sabab boʻlgan. Yosh yigit koronavirusga chalingan, lekin buni oddiy shamollash dey oʻylab oʻzi davolanib yuravergan. 5-6 kuni oʻtib ahvoli ogʻirlashgan, harorati 40 darajaga chiqib ketgan va hushini yoʻqotib qoʻyigan. Shunidan soʻng uning onasi shifokorlarga murojaat qilgan. Bemor darhol jonlantirish boʻlimiga yotqizilgan va bugunni kunda tuzalib ketgan. Agna shunday voqealarni oldini olish kerak, deydi Turdimov. 

 

 

Asosiy mavzular