02:45 29 Sentyabr 2020
Efir
  • RUB132.07
  • EUR12003.57
  • USD10321.21
Jamiyat
Havola olish
312 0 0

Qonunchilik palatasi “Vijdon erkinligi va diniy tashkilotlar toʻgʻrisida”gi qonun loyihasini (yangi tahrirda) qabul qildi. Hujjat fuqarolarning jamoat joylarida ibodat liboslarida yurishlariga yoʻl qoʻymaslik talabini bekor qilishni nazarda tutadi.

TOSHKENT, 15 sen — Sputnik. Oliy Majlis Qonunchilik palatasida “Vijdon erkinligi va diniy tashkilotlar toʻgʻrisida”gi Oʻzbekiston qonuniga oʻzgartish va qoʻshimchalar kiritish haqida"gi qonun loyihasi birinchi oʻqishda qabul qilindi. Bu haqda parlament quyi palatasi deputati Rasul Kusherbayev telegram kanalida maʼlum qildi.

OʻzLiDeP fraktsiyasi aʼzosining maʼlum qilishicha, qonun loyihasida, xususan, quyidagilar belgilanmoqda:

  • har bir shaxsning diniy taʼlim muassasalarida professional taʼlim olish, shuningdek, ota-onalar yoki ularning oʻrnini bosuvchi shaxslar tomonidan oʻz farzandlariga diniy amaliyot asoslari va odob-axloq qoidalarini (uy sharoitida taʼlim berish) oʻrgatish huquqini berish;
  • diniy tashkilotlar mansabdor shaxslarning harakatlari (harakatsizligi) boʻyicha sudga murojaatlar qilganda davlat bojini toʻlashdan ozod etish;
  • diniy tashkilot roʻyxatdan oʻtish jarayonida mahalla ishtirokini bekor qilish;
  • mahalliy diniy tashkilotni roʻyxatdan oʻtkazish uchun talab qilinadigan shaxslar sonini 100 tadan 50 tagacha qisqartirish;
  • fuqarolarning jamoat joylarida ibodat liboslarida yurishlariga yoʻl qoʻymaslik talabini bekor qilish.

Qonun loyihasi uchta oʻqishda koʻrib chiqilib, deputatlar tomonidan maʼqullangan taqdirda Senatga yuboriladi.

Oʻzbekiston Maʼmuriy javobgarlik toʻgʻrisidagi kodeksining 1841-moddasiga muvofiq (1998 yilda kiritilgan) Oʻzbekiston fuqarolarining (diniy tashkilotlarning xizmatidagilar bundan mustasno) jamoat joylarida ibodat liboslarida yurishlari eng kam ish haqining 5 baravaridan 10 baravarigacha miqdorda jarima solishga yoki 15 sutkagacha muddatga maʼmuriy qamoqqa olishga sabab boʻladi.

Asosiy mavzular