01:23 25 Fevral 2021
Efir
  • RUB141.09
  • EUR12773.52
  • USD10549.65
Jamiyat
Havola olish
65 0 0

Yangi tizimga koʻra qurilish sohasida davlat xaridlarini oʻtkazishda tanlov hujjatlarining umumiy va texnik qismlarini taqdim etish talab etilmaydi.

TOSHKENT, 8 fev — Sputnik. “Qurilish sohasida elektron davlat xaridlarini tashkil etish va oʻtkazish tartibini takomillashtirish chora-tadbirlari toʻgʻrisida”gi Hukumat qarori qabul qilindi.

Qarorga koʻra, qurilish sohasida davlat xaridlarini tashkil etish va oʻtkazishning yangi tizimi joriy etiladi.

Unga koʻra:

  • qurilish sohasida davlat xaridlarini oʻtkazishda tanlov hujjatlarining umumiy va texnik qismlarini taqdim etish talab etilmaydi;
  • elektron tanlov (tender) savdolarini amalga oshirish uchun tanlov hujjatlari va texnik vazifalar faqat tovarlar (ishlar, xizmatlar) hajmlarini va ularning narx parametrlarini baholash qismi boʻyicha kompleks ekspertizadan oʻtkaziladi;
  • tanlov savdolarida joriy yil uchun moliyaviy majburiyatlari hajmi qurilish-pudrat tashkilotlarining soʻnggi uch yillik hisobot davrining bir yilida bajarilgan eng yirik ishlar hajmining 1,5 baravaridan oshgan oferentlar ishtirok etmaydi;
  • tanlov natijalari boʻyicha shartnomada belgilangan narxga nisbatan sifati va hajmiga taʼsir qilmagan holda tejalgan mablagʻlar pudrat tashkiloti tasarrufida qoldiriladi.

Qarorga koʻra, “Shaffof qurilish” milliy axborot tizimi hamda tanlovlarni oʻtkazish boʻyicha maxsus axborot portali operatorlari oʻrtasida elektron axborot almashinuvi yoʻlga qoʻyiladi.

Qaror bilan qurilish sohasida elektron davlat xaridlarini tashkil etish va oʻtkazish tartibi toʻgʻrisidagi vaqtinchalik nizom tasdiqlandi.

Eslatib oʻtamiz, avvalroq qurilish tashkilotlarining onlayn reytingi ishga tushirilgani xabar qilingan edi.

Teglar:
qurilish, Oʻzbekiston

Asosiy mavzular