13:51 24 Avgust 2019
Efir
  • RUB138.47
  • EUR10092.14
  • USD9061.00
Igroki kluba Semurg prazdnuyut pobedu v chempionate Uzbekistana po xokkeyu

Xokkey boʻyicha Oʻzbekistonning birinchi chempioni aniqlandi

© Sputnik / Ramiz Baxtiyarov
Sport
Havola olish
107 0 0

Hal qiluvchi bahsda "Semurgʻ"  jamoasi "Binokor"ni 4:1 hisobida yengib chiqdi, seriyalar boʻyicha umumiy hisob esa 3:2 boʻldi.

TOSHKENT, 17 apr — Sputnik. Mustaqil Oʻzbekiston tarixida ilk bor oʻtkazilgan xokkey chempionatining ilk gʻolibi aniqlandi, deb xabar qilmoqda Sputnik muxbiri.

Respublikaning eng kuchli ikki jamoasi "Semurgʻ"  va "Binokor"orasida bahslar qizgʻinlik bilan davom etdi. Soʻnggi damga qadar kim chempion boʻlishini aniqlash qiyin boʻldi. Chempionat doirasida jamoalar 5 marotaba uchrashishdi.

Kubok chempionov po xokkeyu v Uzbekistane
© Sputnik / Ramiz Baxtiyarov
Kubok chempionov po xokkeyu v Uzbekistane

Aslida “Semurgʻ” oldinroq ham chempion boʻlishi mumkin edi, lekin seriyaning toʻrtinchi oʻyinida “Semurgʻ” 2:5 hisobida yutqazib qoʻydi. Shundan soʻng beshinchi oʻyin ham oʻtkazishga toʻgʻri keldi.

Chempionatning eng samarali oʻyinchisi deb “Binokor”ning Javohir Rasulov topildi. Sezonning eng yaxshi xokkeychisi deb ushbu jamoaning yana bir oʻyinchisi Aleksandr Zakirov topildi.

“Semurgʻ” jamoasidan esa Sergey Golev – eng yaxshi hujumchi, Konstantin Gavrilenko esa – eng yaxshi himoyachi deb topildi.

Eslatib oʻtamiz, Oʻzbekistonning birinchi chempionatida jami toʻrt jamoa ishtirok etdi: "Binokor", "Semurgʻ", "Toshkent"  va "Xumo". Ayni damda xokkey Oʻzbekistonda endi boshlanmoqda. Oldin respublikada xokkeychilar  tayyorlash uchun kerakli sharoitlar ham yoʻq edi. Shuning uchun birinchi chempionatda jamoalar tarkibida Rossiya va Qozogʻistondan taklif qilingan yosh xokkeychilar ham bor.

Mart oyida Toshkentda Xumo Arena ochildi. U yerda Olimpiya talablariga javob beruvchi 2ta xokkey stadioni bor. Bi soʻz bilan aytganda Oʻzbekistonda xokkey qayta tugʻilmoqda.

Komanda Semurg prazdnuyet pobedu v chempionate Uzbekistana po xokkeyu
Sputnik / Ramiz Baxtiyarov
Komanda "Semurg" prazdnuyet pobedu v chempionate Uzbekistana po xokkeyu

Asosiy mavzular