15:13 17 Oktyabr 2019
Efir
  • RUB147.25
  • EUR10438.58
  • USD9455.24

Oʻzbekistonning 5 nafar bokschilari yarim finalga chiqdi

© Sputnik / Pavel Lisitsыn
Sport
Havola olish
24610

Ajoyib beshtalik - besh nafar oʻzbekistonlik bokschilari Yekaterinburgda gʻalabali yurishini davom ettirib yarim finalga chiqishdi.

TOSHKENT, 19 sen – Sputnik. Kecha Rossiyaning Yekaterinburg shahrida Boks boʻyicha Jahon chempionatining 10 kuni muvaffaqiyatli yakunlandi. Besh nafar oʻzbekistonlik bokschilarning barchasi chorak finaldan yarim finalga oʻtishdi, Olimpiya qoʻmitasi xabariga asosan.

52 kg vazn toifasida Shahobiddin Zoirov bolgariyalik Daniyel Asenovga qarshi bahsda yutib chiqdi. Yarim finalda Shaxobiddin frantsiyalik Billol Bennama bilan toʻqnash keladi. Bronza medal allaqachon naqd qilingan.

57 kg vazn toifasida ringga chiqqan Miraziz Mirzahalilov qozogʻistonlik Qayrat Yeraliyev ustidan gʻalaba qozondi. Ikki bokschi ham jangni  yaxshi olib borgan boʻlsada, hakamlar ochkolar boʻyicha gʻalabani oʻzbekistonlik bokschiga berishdi.

69 kg vazn toifasida Bobousmon Baturov iordaniyalik Ziyad Iashash bilan jangga kirishdi. Kattalar oʻrtasidagi musobaqada ilk bor qatnashayotgan boʻlsada, Bobousmon oʻz ustunligini namoyish qildi. Raqib ustidagn gʻalaba qozonib yarim final va bronza medalini naqd qilib qoʻydi.

© Sputnik / Aleksandr Kryajev

81 kg vazn toifasida Dilshodbek Roʻzmetov ozarbayjonlik Loren Alfonsoga qarshi bahs olib bordi. Bokschilar muxlislarga 3 raund ajoyib jang namoyish qilib berishdi. Hakamlarning yakuniy qarori bilan 20 yoshli vakilimiz jahon chempionatining yarim finaliga yoʻl oldi.

91+ kg, yaʼni eng ogʻir vazn toifasidagi jangda Bahodir Jalolov AQSH vakili Richard Torres bilan uchrashdi. Jangda oʻzbekistonlik bokschi mutlaq ustunlik namoyish etdi. Birinchi raund davomida Jalolovning chap qoʻlda yoʻllagan ajoyib zarbasidan keyin amerikalik bokschi uzoq vaqt oʻrnidan tura olmadi.

Eslatib oʻtamiz, yarim final janglari 20 sentyabr kuni boʻlib oʻtadi.

Asosiy mavzular