TOShKENT, 26 noya – Sputnik. UFC chempioni Habib Nurmagomedov 2020-yil 18-aprelda amerikalik jangchi Toni Ferguson bilan jang o‘tkazadi. Bu haqda Nurmagomedovning menejeri Ali Abdulaziz o‘z Twitter akkauntida ma’lum qildi.
Here we go. The champ signed his bout agreement against tony Ferguson. This man has been asking for this ass whooping and now he has earned it April 18th the eagle will land in Brooklyn one more time. This one is for the fans. pic.twitter.com/ifG2f9Yt9l
— Ali Abdelaziz (@AliAbdelaziz00) 26 noyabrya 2019 g.
Menejer o‘z tvitida Nurmagomedov imzolagan shartnoma suratini ilova qilgan. Unda raqib ismi va jang sanasi ko‘rsatilgan.
“Chempion Toni Ferguson bilan jang o‘tkazish shartnomasini imzoladi. Jang 18-aprelda o‘tkaziladi. Burgut yana bir bor Bruklinda qo‘nadi. Bu barchasi muxlislar uchun”, - deb yozgan sportchining menejeri.
Ilgariroq, UFC rahbari Dana Uayt katta musobaqa Nyu-Yorkdagi Barclays Center arenasida o‘tkazilishini ma’lum qilgandi.
Abu-Dabida 7-sentabrda Habib Nurmagomedov amerikalik Dastin Puarye ustidan g‘alaba qozonib, yengil vaznda chempionlik kamarini himoya qilgandi.
