06:16 01 Oktyabr 2020
Efir
  • RUB132.07
  • EUR12003.57
  • USD10321.21
Artemiy Taranov, Yevgeniy Timoshinin

RF Tergov qoʻmitasi xodimlari tomonidan oʻtkazilgan qidiruv amaliyoti davomida Qizil Armiyaning 200 dan ortiq askarlari qoldiqlari yerdan kovlab olindi. Qazish ishlari "Pamyat" qidiruv jamoat birlashmasi ekspeditsiyasi doirasida olib borildi.

1941 yil dekabr - 1942 yil yanvar oyida Moskva yaqinida Sovet qoʻshinlarining qarshi hujumi paytida Iklinskoye qishlogʻi yaqinida halok boʻlgan 256 nafar Qizil Armiya askarlarining qoldiqlari Kaluga viloyatining Borovskiy tumanida topilgan.

Qidiruv ishlari Ulugʻ Vatan urushiga oid, muqaddam nomaʼlum 4 dafn joyida uch kun - 17 iyuldan 20 iyulgacha davom etdi.

Hozirda qidiruvchilar haloq boʻlganlarning shaxslarini aniqlamoqda. Qoldiqlar Borovskiy tumani hududida harbiy sharaf bilan qayta dafn etiladi.

1941-1942 yillar qishida Qizil Armiya askarlari fashistlarning gʻalabali yurishiga toʻsqinlik qildilar va birinchi marta ularni chekinishga majbur qildilar. Oʻsha paytda Moskva viloyati tarkibiga kirgan Borovskiy tumani hududidagi janglar 1941 yil oktyabr oyida Germaniyaning SSSR poytaxtiga "Tayfun operatsiyasi" deb nomlangan hujum rejasini amalga oshirish doirasida boshlangan. Sovet qoʻshinlari dushman pozitsiyalarini yorib oʻtib, Iklinskoye qishlogʻini ozod qildilar, shundan soʻng asta-sekin gʻarb tomon siljish boshlandi.

Yana video

Asosiy mavzular