02:02 14 Iyul 2020
Efir
  • RUB142.48
  • EUR11455.78
  • USD10184.73
Dunyoda
Havola olish
38212

Oʻn yil davomida BMTning qochoqlar masalasi boʻyicha Oliy komissari lavozimini egallagan Antoniu Guterresh RIA Novosti nashriga bergan intervyusida ikki inson taqdiri uni to shu kungacha ishlashga hamda urush va qiyinchiliklardan qochganlarga yordam berishga undab kelayotganiga iqror boʻldi.

TOSHKENT, 19 sen — Sputnik. BMT yangi Bosh kotibi lavozimiga kechayotgan poygada yetakchilikni egallab turgan Antoniu Guterresh BMT Oliy Komissari sifatida ishlab yurgan kezlarida hayotida sodir boʻlgan eng ayanchli xotiralarni yodga olishga qaror qildi, deb xabar qilmoqda RIA Novosti.

Oʻn yil davomida BMTning qochoqlar masalasi boʻyicha Oliy komissari lavozimini egallagan Antoniu Guterreshning soʻzlariga qaraganda, ikki inson taqdiri uni to shu kungacha tinmay mehnat qilishga hamda urush va qiyinchiliklardan qochganlarga yordam berishga undab kelmoqda.

"Men sizlarga Kongo Demokratik respublikasidan boʻlgan bir ayol hayoti toʻgʻrisida soʻzlab bermoqchiman. U oʻz qishlogʻi yaqinidagi bir dalada mehnat qilayotgan vaqtida, oʻsha joyga bir guruh askarlar kelishadi. Oʻn sakkiz askar ayolni zoʻrlaydi. Bu haqda kimdir ayolning kenja oʻgʻliga xabar qilishga ulguradi va yosh yigitcha oʻsha joyga, dala maydoniga qarab yuguradi. Askarlar uni oʻsha joyning oʻzida oʻldiradi. Bu xabar ayolning eriga yetib borganda, u oʻsha vaqtning oʻzida yuragini changallab, oʻladi", — deb hikoya qildi Guterresh.

"Men birinchi marta bu haqda eshitganimda, bunday hodisa roʻy berishi mumkinligiga ishonmagandim, ishonishni xohlamagandim. Ammo afsuski, maʼlumotlar tasdiqlangan edi. Ulkan qaygʻuni tasavvuringizga sigʻdira olasizmi? Biz bu kabi voqealar yuz bermasligi uchun harakat qilishimiz, ularni toʻxtatishimiz darkor", — deydi Guterresh.

Guterreshning xotirasiga oʻrnashib olgan ikkinchi voqea esa Iordaniyadagi suriyalik qochoqlar lageriga tegishli. "Men toʻrt nafar farzandi bor oilaning uyida boʻldim. Bolalarning biri toʻrt yoshda edi. Men ular oʻrnashgan palatkada 20 daqiqacha boʻldim, ular bilan suhbatlashdim. Bolakay bu vaqt mobaynida plastikdan yasalgan toʻpponcha bilan oʻynar, va atrofdagilarni tinmay "Ta-ta-ta-ta-ta" deya otar edi. Uni na otasi, na onasi toʻxtata oldi. Zoʻravonlik bu goʻdakka oʻta jiddiy jarohat yetkazgan, uning murgʻaq qalbini bitmaydigan qilib yaralagandi. Uyi barbod boʻlgan, yaqinlari oʻldirilgan bu bolakay, ehtimol hech qachon tuzalmas", — deya taʼkidlaydi Guterresh. "Men oʻsha 20 daqiqani umrbod yodimda saqlayman", — qoʻshimcha qiladi u.

BMT maʼlumotlariga koʻra, dunyo boʻyicha qochoqlar soni 20 million nafarni tashkil etadi.

Asosiy mavzular