01:44 25 Noyabr 2020
Efir
  • RUB136.69
  • EUR12344.73
  • USD10414.86
Dunyoda
Havola olish
55980

Donald Tramp oʻz saylovoldi kampaniyasi davridan buyon Meksika bilan chegarada devor qurish istagida yonayotganini bildirib kelar edi. Va nihoyat, u oʻz orzusiga erishdi - Tramp devor qurilishi shu zahotiyoq boshlanishini eʼlon qildi

TOSHKENT, 26 yanv — Sputnik. AQSH prezidenti Donald Tramp saylovoldi kampaniyasida bergan eng katta vaʼdasini amalga oshirdi — u Meksika bilan chegarada devor qurish haqida farmonni imzoladi, deb xabar qilmoqda RIA Novosti.

AQSH prezidentligiga nomzod Donald Tramp, arxiv surat
© Sputnik / Aleksey Filippov
Nashrga koʻra, Tramp chorshanba kuni migratsiya siyosatiga doir yana ikki farmonni imzolagan. 

Xuddi shu kunning oʻzida AQSH rahbari mamlakat Ichki xavfsizlik vazirligiga tashrif buyurgan. "U oʻzining inqilobiy rejalarini amalga oshirishga majbur muassasa xodimlari oldida chiqish qilgan", — deb yozadi nashr.

Tramp oʻz nutqi davomida devor qurilishi "zudlik bilan" boshlanishini eʼlon qilgan va bu ikki mamlakat uchun koni foydaligini taʼkidlagan.

Bundan tashqari, Tramp vaʼda qilgani kabi, jinoyat sodir etgan yoki jinoyat sodir etganlikda ayblangan barcha chet elliklar AQSH hududidan chiqarib yuboriladi, deb yozmoqda nashr. AQSH hududida noqonuniy yashab yurganlar va bundaylarni yashirib yurganlar uchun esa jazo tizimi joriy etilar ekan.

Shunday qilib, 25 yanvar AQShda ruxsatsiz yashab yurgan taxminan 12 million kishilar uchun "qora" kunga aylandi, deyiladi xabarda.

Vazirlik oldida yangi masalani qoʻyar ekan Tramp: "Ichki xavfsizlik vazirligi zudlik bilan Meksika boʻylab chegarada devor qurishni boshlaydi. Hozirdan boshlab qabul qiladigan qarorlarimiz ikki mamlakat xavfsizligiga ijobiy taʼsir koʻrsatishiga ishonaman. Bu Meksika uchun ham yaxshi boʻladi. Chegarasi boʻlmagan davlat — davlat emas. Bugundan boshlab Amerika Qoʻshma Shtatlari oʻz chegaralari ustidan nazoratni qaytaradi", — deya tushuntirish bergan.

Tramp bu sohada imzolangan farmonlar minglab hayotlarni, millionlab ish oʻrinlarini va milliardlab dollarlarni saqlab qolishini maʼlum qilgan.

Tramp bu masalani tez orada Meksika rahbari bilan muhokama qilishini aytib oʻtgan.

Eslatib oʻtamiz, Tramp saylovoldi kampaniyasi chogʻida AQSH va Meksika oʻrtasida 3 ming kilometrlik devor qurish, noqonuniy migratsiyaga qarshi kurashni kuchaytirish va ayrim musulmon davlatlari fuqarolarining AQShga kelishini cheklashga vaʼda bergan edi.

AQSH prezidenti "buyuk va ajoyib" devor uchun mablagʻni Meksikadan undirish niyatida.

Meksika tomon esa AQShda hali saylov boʻlib oʻtmasidan oldinoq devor qurilishi uchun hech qanday mablagʻ toʻlamasligini maʼlum qilgan.

AQSH va Meksika oʻrtasida hozir uzungina devor mavjud. Ammo u asosan daryolar oʻtgan joylarda uzilib qolgan.

Teglar:
Meksika, devor, Tramp, migratsiya, AQSH

Asosiy mavzular