22:57 05 Dekabr 2019
Efir
  • RUB147.79
  • EUR10476.36
  • USD9510.99
 Prezident Turkmenistana Gurbangulы Berdыmuxamedov

Turkmaniston televideniyesi Berdimuhamedov taʼtilni qanday oʻtkazayotganini namoyish etdi

© Sputnik / Sergey Guneyev
Dunyoda
Havola olish
377 0 0

Gurbanguli Berdimuhamedov “Jahannam darvozasi” deb nom olgan ulkan gaz krateriga borgan va mashinani mahorat bilan boshqargan.

TOSHKENT, 5 avg - Sputnik. Turkmanistonning Altyn Asyr telekanalida prezident Gurbanguli Berdimuhamedov taʼtilni qanday maroqli oʻtkazayotgani haqidagi lavha efirga uzatildi. Bu haqda RIA Novosti xabar qildi.

Efirga uzatilgan lavhada Berdimuhamedov erta tongdan velosipedda sayr qilayotgani, yilqichilik majmuasida ahaltaka otini choptirayotgani va Ashxobodning Olimpiya shaharchasida kuch tuzilmalari rahbarlari bilan badantarbiya bilan shugʻullanayotgani va ulardan oʻz maslahatlarini ayamayotganini koʻrsatilgan. Bundan tashqari, uning bouling oʻynayotganini koʻrish mumkin.

Oʻldiga chiqarilgan Berdimuhamedov telekanal orqali ommaga koʻrinish berdi – video

Lavhada davlat rahbari turli musiqiy asboblar chalayotgani va yangi musiqiy asari ustida qizgʻin ish olib borayotgani ham oʻz aksini topgan. Shuningdek, u turkman alabay zotidagi itlar haqidagi kitobini nihoyasiga yetkazgani aytib oʻtilgan.

Lavha soʻngida Turkmaniston yetakchisi avtomobilda Turkmanistonning diqqatga sazovor joylaridan biri boʻlgan Qoraqumdagi gaz krateriga borgani tasvirlangan. Mamlakatda ushbu gaz krateri rasman “Qoraqum yogʻdusi” deb ataladi, xorijda esa “Jahannam darvozasi” sifatida mashhur.

Eslatib oʻtamiz, Turkmaniston prezidenti 15 iyuldan 15 avgustgacha taʼtilga chiqqanligi sababli uzoq muddat omma oldida koʻrinish bermadi va bu OAVlarda Gurbanguli Berdimuhamedovning vafot etgani haqidagi mish-mishlar bolalashiga sabab boʻldi. Keyinchalik vafot etgani haqidagi xabarlar rasman rad etildi. Berdimuhamedov 24 iyul kuni Shavkat Mirziyoyevga qoʻngʻiroq qilib, tavallud ayyomi bilan samimiy tabrikladi va koʻp millatli Oʻzbekiston xalqiga ravnaq va farovonlik tiladi.

Asosiy mavzular