22:49 20 Sentyabr 2020
Efir
  • RUB137.65
  • EUR12194.82
  • USD10295.33
Dunyoda
Havola olish
332 0 0

Germaniya tashqi ishlar vaziri energiya tashuvchilarni kimdan sotib olish boʻyicha qaror Yevroittifoqning suveren qarori ekanini urgʻuladi.

TOSHKENT, 12 avg - Sputnik. Energiya tashuvchilarni kimdan sotib olish boʻyicha qaror Yevroittifoqning suveren qaroridir va unga tashqaridan hech kim energiya siyosatini qanday yuritishni buyurolmaydi. Bu haqda Germaniya tashqi ishlar vaziri Xayko Maas Moskvada rossiyalik hamkasbi Sergey Lavrov bilan boʻlib oʻtgan muzokaralardan soʻng matbuot anjumanida maʼlum qildi.

Maas AQShning “Shimoliy oqim-2”ga qarshi sanktsiyalarni kuchaytirish rejalarini shunday izohladi.

"Germaniya hukumati uchun transatlantik aloqalar koʻp yillar davomida ulkan ahamiyatga ega boʻlib kelgan, va nafaqat biz uchun, balki umuman Yevropa uchun ham. Ular har qanday siyosiy vaziyatdan chuqurroqdir. Ammo shunga qaramay, alohida taʼkidlab oʻtishimiz kerak, sheriklar oʻrtasidagi sanktsiyalar mavjudligi - bu notoʻgʻri yoʻl, bu yolgʻon yoʻli. Va oxir-oqibat, biz energiya tashuvchilarni qayerdan sotib olishimiz – bu bizning suveren qarorimiz. Hech bir davlat tahdidlar yordamida YEIning energiya siyosatini belgilab berolmaydi", - dedi u.

Vazirning taʼkidlashicha, YEI ichidan eksterritorial sanktsiyalar halqaro huquqni qanchalar buzayotganligi muhokama qilinmoqda, va bu pozitsiyani AQSH davlat kotibi bilan boʻlgan suhbatda "aniq ifoda etganini" taʼkidladi.

“Shimoliy oqim-2” loyihasi Rossiya sohilidan Boltiq dengizi boʻylab Germaniyaga olib boradigan, quvvati yiliga 55 milliard kubometr boʻlgan gaz quvurini yotqizishni koʻzda tutadi. Loyihani amalga oshirish bilan, yagona aktsioneri Gazprom boʻlgan Nord Stream 2 AG shugʻullanmoqda. Uning yevropalik sheriklari - Royal Dutch Shell, OMV, Engie, Uniper i Wintershall  - loyihani yarmini moliyalashtirmoqdalar, har biri 950 million yevrodan.

Oʻz suyultirilgan gazini YEIda ilgari surayotgan AQSH, loyihaga faol qarshi chiqmoqda. Oʻtgan yilning oxirida AQSH “Shimoliy oqim-2”-ga qarshi sanktsiyalarni mudofaa byudjetiga kiritdi, buning natijasida quvurlarni yotqizish bilan shugʻullangan Shveytsariyaning Allseas kompaniyasi ishni deyarli darhol toʻxtatdi.

Iyul oyida Davlat departamenti “Amerika dushmanlariga sanktsiyalar orqali qarshi kurashish” toʻgʻrisidagi qonun doirasiga oʻz tavsiyalarni chop etdi, va unga “Shimoliy oqim-2” va “Turk oqimi”ning ikkinchi quvurini kiritdi. Bu Rossiyaning eksport gaz quvur liniyalari bilan bogʻliq investitsiyalar va boshqa faoliyatni sanktsiyalar xavfi ostiga qoʻyadi. Bundan tashqari, iyul oyida Kongress vakillar palatasi va Senat loyihaga qarshi kengaytirilgan sanktsiyalarni oʻz ichiga olgan mudofaa byudjeti variantlarini tasdiqladilar.

Asosiy mavzular