15:34 02 Mart 2021
Efir
  • RUB141.85
  • EUR12661.56
  • USD10517.12
Dunyoda
Havola olish
90110

Janubiy Afrikadagi Kruger milliy bogʻida sayyohlar timsoh, impala va qoplon bilan yuz bergan holatni tasvirga olishdi.

TOSHKENT, 10 fev — Sputnik. Kruger milliy bogʻida (Janubiy Afrika) sayyohlar - shifokor va bank xodimi Anjela va Kreyg Uiks timsoh, ohu va qoplon bilan yuz bergan holatni tasvirga olishdi.

Sayyohlar impalalar (ohu) podasi yogʻingarchilikdan soʻng hosil boʻlgan koʻl oldida toʻxtashganini koʻradi.

“Biz oyogʻi singan impalani yaxshilab koʻrish uchun toʻxtadik. Toʻsatdan 4 metrli timsoh suvdan sakrab chiqib, uni loyqa suvga sudrab ketadi”, - deydi Anjela.

Ular oʻrtasida olishuv 2 daqiqa davom etdi, ammo ohu timsohdan qochib, suvdan chiqadi.

Koʻl yonida esa qoplon vaziyatni kuzatib turgan ekan.

“Biz impala kutilmagan tarzda oʻljaga aylashishidan hayratga tushdik, timsoh qanday qilib kichik loy hovuzida yashiringanligini koʻrib hayron qoldik. Impala timsohdan qutulganida, biz tinchlangan edik. Lekin bir necha soniyadan soʻng, u qoplon pistirmasiga tushadi. Biz uchun bu unutilmas manzara, "noyob tajriba" boʻldi”, - deydi Kreyg.

Shundan soʻng, qoplon impalani yaqin atrofdagi daraxt soyasida yeya boshlaydi.

Teglar:
hayvonlar, Hayvonot olami, ijtimoiy tarmoq, internet, qiziqarli video

Asosiy mavzular