TOShKENT, 18 mar — Sputnik. O‘zbekiston Qirg‘iziston bilan belgilanmagan chegaraga yaqiniga — Jaloloboddagi Mo‘g‘ul Ola-Buqin tumaniga ikkita bronetransporter va KamAZ rusumidagi ikkita yuk mashinasini olib kelib qo‘ydi, deb xabar qilmoqda Qirg‘iziston respublikasi Chegara xizmati matbuot-xizmati, Sputnik Qirg‘iziston xabariga ko‘ra.
Qirg‘iziston chegara xizmati xabar berishicha, qirg‘iz-o‘zbek chegarasiga O‘zbekistonning 40ga yaqin harbiy xizmatchilari ham olib kelingan.
Shu munosabat bilan qirg‘iziston tomon tashabbusi bilan Mo‘g‘ol tumanida Qirg‘iziston va O‘zbekiston chegara xizmati xodimlari vakillari o‘rtasida muzokaralar boshlangani ta’kidlanmoqda.
Qirg‘iziston chegara xizmati “Dostuk-avtodorojniy” chegarasi O‘zbekiston tomonidan bir tomonlama tartibda yopilgani aytilmoqda. Ya’ni Qirg‘iziston fuqarolariga O‘zbekistondan chiqishga ruxsat bor, kirish esa ta’qiqlangan. Shu bilan birga, O‘zbekiston fuqarolari uchun O‘zbekistonga kirish va chiqish borasida hech qanday cheklov qo‘yilmagan. Uchinchi mamlakatlar fuqarolari uchun “Dostuk-avtodorojniy" chegarasidan tranzit kirish-chiqish odatdagi tartibda amalga oshirilmoqda, deb xabar qilmoqda Qirg‘iziston chegara xizmati.
O‘z navbatida, Qirg‘iziston tomon "Baymak-avtodorojniy", "Ken-Say-avtodorojniy" va"Qadamjoy-avtodorojniy" chegaralarida O‘zbekiston fuqarolari va transport vositalari uchun Qirg‘iziston hududiga kirishni ta’qiqlagan.
