Jamiyat

Samarqandda gaz ballonlarning yagona narxi oʻrnatildi

© Sputnik / Yakov Glinskiy / Fotobankka oʻtishGaz ballonlari
Gaz ballonlari - Sputnik Oʻzbekiston
"Samarqandshahargaz" filialiga yangi rahbar tayinlandi, deb xabar qiladi gazeta.uz. Akbar Bahriyev bundan oldin 11 yil davomida "Suvoqova"ni boshqargan va u yerni ancha tartibga keltirgan. Endi esa, Samarqand shahar gaz xoʻjaligida yillar davomida toʻplanib qolgan muammolarni bartaraf etishga qatʼiy bel bogʻlagan.

TOSHKENT, 21 apr — Sputnik. Gaz xoʻjaligi rahbarining almashgani omma orasida ushbu mavzu yana keng muhokama qilinishiga sabab boʻldi. Maʼlumotlarga koʻra, oxirgi rahbar faoliyati toʻqqiz oy davom etgan, oʻtgan yilda xuddi shu davrda esa naq uchta boshliq almashgan, deb yozadi gazeta.uz.

Qoraqumda gaz tayorlash stantsiyasi - Sputnik Oʻzbekiston
Iqtisod
Gazprom 2016 yilda Oʻzbekistondan koʻproq gaz sotib oladi

"Samarqandshahargaz" filialining yangi rahbari soʻnggi yillarda toʻplanib qolgan muammolarni bartaraf etish uchun yetarli vaqt va imkoniyatga ega boʻladimi? Nima boʻlgan taqdirda ham, kishini quvontiradigani, Akbar Bahriyev bunga qadar “Suvoqova” korxonasiga 11 yil davomida rahbarlik qilib, u yerda tartib-intizomni tiklashga muvaffaq boʻlgan.

Akbar Bahriyevning soʻzlariga qaraganda, u bu sohada nimalar boʻlayotganidan yaxshi xabardor. "Ballonlar roʻyhatga olinmagan. Propan toʻldirilgan ballonlar har yerda turli narxda sotilgan: qayerdadir 10 ming soʻmdan, yana qayerdadir 12 ming soʻmdan, yana qayerdadir esa, hatto, 15 ming soʻmdan. Gaz ballonlarining haqiqiy narxi esa 7440 soʻm”, — deb taʼkidladi u va "Ikki-uch kunda hammasi oʻzgaradi", — deya vaʼda berdi.

Bu seshanba kuni boʻlgan gap. Chorshanba kuni kechqurun Samarqand shahri Soʻzangaron koʻchasida yashovchi bir tanishim gaz balonni har doimgidek 10 ming soʻmgamas, balki 7440 soʻmga olgani haqida toʻlqinlanib gapirdi. Bundan tashqari, unga toʻlov miqdori qayd etilgan kvitantsiya berishganini qoʻshimcha qildi.
"Samarqandshahargaz" ishchilarining oʻzlari gaz ballonlarni tarqatishdi. Ilgarilari esa ular ballonlarni mahallaning markazida qoldirar, fuqarolar yigʻini raisi yoki uning oʻrinbosari kelib, bu ballonlarni tarqatar edi”, dedi tanishim. Endi esa gaz ballonlarni olayotgan fuqarolar maxsus daftarga imzo chekishayotgan ekan. Demak, roʻyhatga olish ishi yoʻlga qoʻyilibdi, bu albatta yaxshi.

Samarqand ahli gaz sohasining boshqa yoʻnalishlarida ham yaxshi tomonga oʻzgarishlarni his qilishlarini xohlar edik. Toʻgʻri, yangi tayinlangan rahbarga ushbu sohada yillar davomida toʻplanib qolgan muammolarni bartaraf etish oson boʻlmaydi. Bundan tashqari, yillar davomida bu holatdan foydalanib kelganlar singdirilayotgan yangi qoidalarga qarshilik koʻrsatishlari turgan gap. Shu bois, “Oʻztransgaz” rahbariyati va shahar hokimligi Oʻzbekistonning eng yirik shaharlarida gaz xoʻjaligi sohasida tartib oʻrnatishga yordam berishlari va Akbar Bahriyevni yaxshi natijalarga erishishida qoʻllab-quvvatlashlari kerak, deb yozadi maqola muallifi.

Sputnik muxbiri Samarqand shahri Bulungʻur tumanida istiqomat qiluvchi fuqaroalardan ular bu borada qanday fikrda ekaniga qiziqib koʻrdi:
Gulbahor Omonova, uy bekasi: “Gaz ballonlarini gaz quyish shahobchalaridan toʻldirib kelamiz. 7440 soʻm degan narxni birinchi marta eshitib turibman. Ertak emasmi bu? Chunki har safar bunday ballonlarni toʻldirish uchun kamida 40 ming soʻm sarflaymiz. Yangi qoidalar vaqtinchalik boʻlmasinda, ishqilib. Yangi rahbarning aholiga yordam berishga bel bogʻlagani esa, quvonarli. Ana shunday rahbarlar koʻpayishini xohlaymiz”
Diyorbek Sattorov, tadbirkor: “Ha, gaz ballonlarini qishloqlar boʻylab tarqatilishi, ularning “gaz”chilar tomonidan toʻldirib berilishi yoʻlga qoʻyilyapti. Har holda bu yil bu tizim yomon ishlashmadi. Kelayotgan yilda esa yanada yaxshi boʻladi, deya vaʼda qilishmoqda. Eshitib, quvondim. Gaz toʻldirilgan ballonlarni esa tuman gaz taʼminoti boʻlimidan 15-20 ming soʻmdan xarid qilamiz".

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala