TOShKENT, 29 sen — Sputnik. Rossiya Mudofaa vazirligi AQSh Davlat departamenti vakili Kirbining Suriyada harbiy harakatlar davom etadigan bo‘lsa, Rossiya hududi teraktlar yuz berishi mumkin, degan gapidan so‘ng, unga ofitserlik g‘ururi tushunchasi haqida eslatib qo‘yishdi, deb xabar qiladi RIA Novosti.
"Kirbi aytmoqchi, Rossiya samolyotlari yo‘qotilishi ehtimoli hamda rossiyalik harbiylarning jasadlari uylariga qoplarda jo‘natilishi mumkinligiga kelsak, mening fikrim quyidagicha… Bu dialogda bizning harbiylarimiz va Rossiya fuqarolari hayotiga tahdid haqida hatto sha’ma qilishning keragi yo‘q.
Rossiya fuqarolari xavfsizligini ta’minlash masalasida, ular qayerda bo‘lishlaridan qat’iy nazar, biz hech qachon bu borada hech kim bilan savdolashmaymiz. Fuqarolarimiz xavfsizligi — hamma narsadan ustun", — deb ta’kidladi jurnalistlarga Rossiya Mudofaa vazirligi vakili general-mayor Igor Konashenkov.
"Admiral kitelini oddiy kostumga almashtira turib, ofitserlik g‘ururi haqida unutmaslik lozim", — qo‘shimcha qildi mudofaa mahkamasi vakili.
Konashenkov, shuningdek, AQSh Davlat Departamentining bu kabi ta’kidlari Suriyadagi "muxolifat" — bu AQSh nazorati ostida bo‘lgan "xalqaro" terrorchilik ekanligi haqida qo‘shimcha qildi. "Kirbining so‘zlaridagi Amerikaning terrorchilar faoliyatiga to‘g‘ridan-to‘g‘ri ta’siri, ayniqsa, ularning Rossiyaga ham qo‘li yetishi haqidagi "iqrorlari" ayniqsa meni larzaga soldi", — dedi Mudofaa vakili.
