Jamiyat

Taʼlim, texnologiyalar va xavfsizlik: Oʻzbekistonning IHTdagi ustuvor yoʻnalishlari

© Sputnik / StringerOʻzbekistonning RFdagi elchixonasida boʻlib oʻtgan brifing
Oʻzbekistonning RFdagi elchixonasida boʻlib oʻtgan brifing - Sputnik Oʻzbekiston
Mirziyoyev Oʻzbekiston IHT TIVKning raisi sifatida qaysi yoʻnalishlarga eʼtibor qaratishini aytib oʻtdi

TOSHKENT, 24 okt — Sputnik. IHT TIVKning Toshkentda boʻlib oʻtgan 43-sessiyasi gumanitar masalalarga, birinchi navbatda taʼlim va islom qadriyatlarini qoʻllab-quvvatlashga bagʻishlandi. Ushbu sammit hamda mamlakatning IHTdagi raisligi doirasidagi rejalar haqida Oʻzbekistonning Rossiyadagi Favqulodda va muxtor elchisi Bahrom Ashrafxonov batafsil soʻzlab berdi.

Sammit yakunlariga bagʻishlab Oʻzbekistonning Moskvadagi elchixonasida boʻlib oʻtgan brifingda elchi IHTda kuzatuvchi davlat maqomida 43-sessiyada ishtirok etgan  Rossiya Federatsiyasi delegatsiyasiga, xususan, alohida topshiriqlar boʻyicha elchi Konstantin Shuvalovga minnatdorlik bildirdi. Sessiyada 50dan ortiq aʼzo davlatlar va IHT kuzatuvchilarining vakillari ishtirok etishdi. Sessiya mavzusi "Taʼlim va maʼrifat – tinchlik va bunyodkorlik sari yoʻl" deya nomlandi.

Elchi yigʻilganlarni Oʻzbekiston Prezidenti vazifasini bajaruvchi Shavkat Mirziyoyevning Toshkentda boʻlib oʻtgan IHT TIVK sessiyasida soʻzlagan nutqida bayon etilgan asosiy yoʻnalishlar bilan tanishtirdi.

© Sputnik / StringerOʻzbekistonning Rossiyadagi elchixonasida IHT TIVK 43-sessiyasiga bagʻishlangan brifing
Oʻzbekistonning Rossiyadagi elchixonasida IHT TIVK 43-sessiyasiga bagʻishlangan brifing - Sputnik Oʻzbekiston
Oʻzbekistonning Rossiyadagi elchixonasida IHT TIVK 43-sessiyasiga bagʻishlangan brifing

Mirziyoyev Oʻzbekiston boy madaniy tarixga ega ekanligini, ushbu zaminda turli davrlarda yashab oʻtgan buyuk mutafakkirlar nafaqat islom, balki jahon madaniyati va faniga ulkan hissa qoʻshganlarini taʼkidladi. Ular orasida Imom Buxoriy, Burhoniddin Margʻinoniy, Iso va Hakim Termiziylar, Mahmud Zamaxshariy, Muhammad Qaffol Shoshiy, Bahouddin Naqshband, Xoja Ahror Valiy, Muhammad Xorazmiy, Ahmad Fargʻoniy, Abu Rayhon Beruniy, Abu Ali ibn Sino, Mirzo Ulugʻbek, Alisher Navoiy va boshqa koʻplab daholar bor.

Oʻzbekiston Prezidenti vazifasini bajaruvchi Shavkat Mirziyoyev globallashuv davrida dunyo jiddiy tahdidlar bilan yuzma-yuz kelayotgani, bu tahdidlarga qarshi faqatgina birgalikda kurashish mumkinligini taʼkidladi.

"Boshpanasiz qolib, oʻzga yurtlarda sarson-sargardon yurgan odamlar ogʻir musibatlarni boshdan kechirmoqda, qurolli qarama-qarshiliklar va terrorizm oqibatida gunohsiz bolalar, keksalar, xotin-qizlar halok boʻlayotir. Oxiri koʻrinmaydigan urushlar tufayli koʻplab mamlakatlar vayronaga aylanmoqda.
Bunday sharoitda Islom hamkorlik tashkilotiga aʼzo davlatlarni musulmon olamida tinchlik va xavfsizlikni mustahkamlash va barqaror rivojlanish yoʻlida birlashtirish, oʻzaro hamkorlikning ishonchli mexanizmlarini, aʼzo mamlakatlarning dolzarb masalalar yuzasidan muloqot qilishi uchun oʻziga xos maydon yaratishga xizmat qiladigan Islom hamkorlik tashkilotining roli va masʼuliyati yanada ortmoqda", — dedi Mirziyoyev oʻz nutqida.

Analitika
IHT TIVK: "soatlarni toʻgʻrilash" va yangi kreditlar

Bundan tashqari, Oʻzbekiston Prezidenti vazifasini bajaruvchi oʻz chiqishida respublikada islom madaniyatining mustahkamlanishi va rivojlanishi borasidagi muvaffaqiyatlar haqida ham soʻz yuritdi. Bugungi kunda har yili oʻzbekistonlik besh mingdan ziyod kishi oʻzining ezgu orzusi va musulmonlik burchi – haj amalini ado etmoqda. Mamlakatda minglab masjidlar faoliyat yuritmoqda, tarixiy islom yodgorliklari, muqaddas qadamjolar qayta tiklandi.

Shavkat Mirziyoyev Oʻzbekiston Respublikasi Islom hamkorlik tashkiloti Tashqi ishlar vazirlari kengashining raisi sifatida quyidagi yoʻnalishlarga eʼtibor qaratishini bildirdi:

Taʼlim tizimini rivojlantirish, ajdodlar madaniy merosini ommalashtirish, xalqaro miqyosda konfessiyalar, millatlar va madaniyatlararo muloqotni yoʻlga qoʻyish;

Innovatsion texnologiyalar va IHTga aʼzo davlatlar oʻrtasida texnik sohadagi hamkorlikni qoʻllab-quvvatlash;

Xavfsizlik muammosi va har qanday ziddiyat va toʻqnashuvlarni muzokaralar, siyosiy-diplomatik yoʻl bilan hal etishga erishish;

Hududdagi energetika resurslaridan oqilona foydalanish, oʻzaro manfaatli savdo-iqtisodiy va moliyaviy-investitsion hamkorlikni kengaytirish;

Samarqanddagi Imom Buxoriy yodgorlik majmui qoshida nafaqat islom madaniyati, balki umumbashariy tsivilizatsiyaga benazir hissa qoʻshgan buyuk ajdodlarimizning koʻp qirrali diniy-maʼnaviy merosini oʻrganishga ixtisoslashgan xalqaro ilmiy tadqiqotlar markazini tashkil etish;

Yadro qurolidan xoli hududlar koʻlamini izchil kengaytirish va Yaqin Sharqda ham yadro qurolidan xoli hududni tashkil etish.

Toshkentda IHT TIVK kengashi - Sputnik Oʻzbekiston
Siyosat
IHT Suriyada siyosiy yoʻl bilan tinchlik oʻrnatish tarafdori

IHT TIVKning Toshkentda boʻlib oʻtgan yigʻilishi davomida oʻnlab ikki tomonlama uchrashuvlar boʻlib oʻtdi, hamkorlikning turli sohalarida, jumladan iqtisodiy va investitsion hamkorlik boʻyicha umumiy qiymati 1,4 milliard dollarlik 21 loyiha imzolandi. IHT doirasidagi loyihalarning asosiy investor va kreditori Islom taraqqiyot bankidir.

IHT – BMTdan keyin ikkinchi oʻrinda turuvchi, 57 mamlakat aʼzo va besh mamlakat kuzatuvchi boʻlgan tashkilot. Tashkilot tarkibiga kiruvchi davlatlar hududida 1,5 milliarddan ortiq aholi istiqomat qiladi, IHT davlatlari jahon neft zaxiralarining 60, tabiiy gaz zaxiralarining 14%i hamda qishloq xoʻjaligi yerlarining uchdan bir qismini nazorat qiladi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala