TOShKENT, 5 noya — Sputnik. "O‘zbekiston havo yo‘llari" sotib olgan Boeing-787 Dreamliner avialaynerlarining ikkinchisi 5-noyabr kuni kuni Toshkentga keltiriladi, deb xabar qildi Sputnik O‘zbekiston muxbiriga "Toshkent" xalqaro aeroportidagi manba.
Aytgancha, "Orzu layneri"ni kutib olish marosimiga mahalliy nashrlar vakillari, aeroport ishchilari va boshqalar taklif etilgan.
"O‘zbekiston havo yo‘llari" Milliy aviakompaniyasi 2016-yil 31-avgust kuni ikkita Boeing-787 Dreamliner samolyotining birinchisini qabul qilgandi. O‘tgan vaqt ichida samolyot O‘zbekistonning turli shaharlariga ichki parvozlarni, shuningdek, Olmaota va Dubay shaharlariga xalqaro parvozlarni amalga oshirdi.
2016 yilning yanvarida O‘zbekistonda Markaziy Osiyoda yagona bo‘lgan samolyot konstruksiyasining tarkibiy qismlarini ta’mirlash bo‘yicha markaz yaratiladi. Ushbu markaz Boeing-787 Dreamliner yangi avlod aviatsiya texnikasiga xizmat ko‘rsatishi ko‘zda tutilgan.
2007—2008 yillarda "O‘zbekiston havo yo‘llari" Boeing bilan jami 645 million dollarlik to‘rtta Boeing-767-300ER va ikkita Boeing 787-8 Dreamliner samolyotlarini sotib olish haqida shartnoma imzolagan. 2014-yilning iyulida Boeing-767-300ER’ni yetkazib berish bo‘yicha shartnoma amalga oshirilgan. Ikkita 787-800 Dreamliner esa 2016-yil uchinchi choragida yetkazib berilishiga kelishilgandi.
