TOShKENT, 28 apr — Sputnik. Qirg‘izistonda 5,7 balli zilzila yuz berdi, deb xabar qilmoqda RIA Novosti Qozog‘iston ta’lim va fan vazirligining seysmologik tajriba-uslubiyat ekspeditsiyasiga tayanib.
"Zilzila o‘chog‘i Olmaota shahridan 148 kilometr uzoqlikda Qirg‘iziston hududida joylashgan", — deyiladi xabarda.
Kuchi 5,7 ballga teng bo‘lgan zilzila 15 kilometr chuqurlikda yuz bergan.
"Olmaotada zilzila kuchi 2 ballga teng bo‘ldi", — deb ma’lum qildi seysmologlar.
Sputnik Qirg‘izistonning ma’lum qilishicha esa, zilzila Issiqko‘l janubiy sohilidagi Bokonbayevo qishlog‘idan 33 kilometr uzoqlikda yuz bergan.
Dastlabki ma’lumotlarga qaraganda, qurbonlar va vayronagarchiliklar yo‘q.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
