Sport

Boks boʻyicha Osiyo chempionatida Oʻzbekiston bokschilari mutlaq gʻalaba qozonishdi

© REUTERS/ Peter CziborraOʻzbek bokschisi Hasanboy Doʻsmatov
Oʻzbek bokschisi Hasanboy Doʻsmatov - Sputnik Oʻzbekiston
Obuna boʻlish
NovostiTelegram
Oʻzbekiston boks terma jamoasi 10 ta oltin medal imkoniyatidan 9 tasini qoʻlga kiritib, Osiyoda yangi rekord qayd etdilar

TOSHKENT, 8 may — Sputnik. Joriy yil 30 aprel — 7 may kunlari Toshkentdagi "Oʻzbekiston" sport majmuasida boks boʻyicha boʻlib oʻtgan Osiyo chempionati mezbonlarning toʻla ustunligida yakunlandi. Oʻzbekiston terma jamoasi 10 ta oltin medal imkoniyatidan 9 tasini qoʻlga kiritib, Osiyoda yangi rekord qayd etdi.

Chinggis Khan Cup kubogi - Sputnik Oʻzbekiston
Sport
Chingiz Xon kubogida Oʻzbekiston boks jamoasi 11ta medal qoʻlga kiritdi
6 may kuni shiddatli bellashuvlarda Oʻzbekiston vakillari 4 ta oltin medallarni qoʻlga kiritishdi. Murod Ahmadaliyev (vazni 56 kg), Elnur Abduraimov (vazni 60 kg), Isroil Madrimov (vazni 75 kg) hamda Bektemir Meliqoʻziyev (vazni 81 kg) birin-ketin oʻz bellashuvlarida gʻalaba qozonishdi.

7 may kuni yana oʻzbekistonlik 5 bokschilar ringga koʻtarildi. Rio-2016 Olimpiadasi chempioni Hasanboy Doʻsmatov (vazni 49 kg gacha) hal qiluvchi bellashuvini moʻgʻulistonlik Gan Erdene Ganxuyangga qarshi oʻtkazdi va uning ustidan gʻalaba qozondi. Doʻstmatov Osiyo chempionatining oʻz vazn toifasida ikkinchi bor tengsiz boʻldi. U shuningdek, turnirning eng yaxshi bokschisi sifatida tan olindi. Terma jamoa hisobiga oltinchi oltinni 52 kg vazn toifasida ishtirok etgan Jasur Latipov keltirdi. U janubiy koreyalik In Kyu Kim ustidan gʻalaba qozondi.

Yettinchi va sakkizinchi oltin medallarga 64 kilogrammgacha boʻlgan vazn toifasidagi Iqbol Xoldorov hamda 69 kilogrammgacha boʻlgan vazn toifasida ringga koʻtarilgan Shahram Gʻiyosov ega boʻldi. Osiyo chempionatining 10 ta vazn toifasidagi bellashuvlarida 8 ta oltin medalni qoʻlga kiritish Oʻzbekiston terma jamoasi uchun rekord natija hisoblanardi.

Prezident AIBA posetil v detskiy trenirovochnыy tsentr po boksu - Sputnik Oʻzbekiston
Sport
AIBA oʻzbekistonlik yosh bokschilarga sport jihozlari hadya qildi
Oʻzbekiston bokschilari oʻz rekordini oʻrnatish bilan cheklanmasdan, Osiyo rekordini ham urishdi. Terma jamoaning eng ogʻir vazndagi bokschisi Bahodir Jalolov qozogʻistonlik Kamishbek Konkabayev ustidan gʻalaba qozonib, toʻqqizinchi oltin medalni naqd qildi. Osiyo chempionatida shu vaqtgacha hech qaysi terma jamoa 9 ta oltin medallarini qoʻlga kiritmagan. Shu kungacha Osiyo chempionatlarida ikki marta (1965 yil Seulda, 1987 yil Kuvaytda) Janubiy Koreya terma jamoasi 8 ta oltin medalga ega boʻlgan edi. Oʻzbekiston Osiyo rekordini oʻrnatgan holda Germaniyadagi jahon chempionatiga boradigan boʻldi.

Osiyo chempionatida Oʻzbekiston — birinchi (9 ta oltin medal), Qozogʻiston —ikkinchi (1 ta oltin, 3 ta kumush va 4 ta bronza), Hindiston Moʻgʻuliston terma jamoalari esa uchinchi oʻrinni boʻlib olishdi (2 tadan kumush va bronza medallar).

Eslatib oʻtamiz, jahon chempionati joriy yilning 23 avgust — 4 sentyabr kunlari Hamburg shahrida boʻlib oʻtadi va unda Oʻzbekiston sharafini 10 nafar bokschi himoya qiladi.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Yangiliklar lentasi
0