TOShKENT, 6-iyul — Sputnik. Saudiya Arabistoni, BAA, Bahrayn va Misr Qatarni iqtisodiy va siyosiy qamal qilishda davom ettiradi, deb xabar qilmoqda Al-Jazeera telekanali.
To‘rt arab mamlakati tashqi ishlar vazirlari uchrashuvida, Saudiya Arabistoni vaziri Adel al-Djubeyr Qatarni iqtisodiy va siyosiy boykot qilish Qatar o‘z siyosatini o‘zgartirmaguniga qadar davom etishini, hamda arab koalitsiyasi xalqaro huquq tomonidan ruxsat berilgan barcha choralarni qo‘llashini xabar qildi.
Eslatib o‘tamiz, 23-iyun kuni Saudiya Arabistoni boshchiligidagi to‘rt arab mamlakati Qatarni terrorchilarga yordam berishda va qo‘shni mamlakatlar ichki ishlariga aralashishda ayblab, unga ultimatum qo‘ygan edi.
Ultimatum 13 punktdan iborat bo‘lib, ular orasida Eron bilan diplomatik munosabatlarni cheklash, turk harbiy bazasini yopish, terrorchi tashkilotlarga moliyaviy yordam ko‘rsatishni to‘xtatish, hamda "Al-Jazeera" telekanali faoliyatiga chek qo‘yish kabi talablar bor.
Qatar o‘z navbatida ushbu talablarni o‘z suverenitetining buzilishi, OAV erkinligini cheklash va o‘z ichki ishlariga aralashish deb baholagan va ularning bajarishning iloji yo‘q degan edi.
Shunday keyin ushbu mamlakatlar Qatar bilan diplomatik, iqtisodiy va chegara, tranzit aloqalarini uzgan, 5-iyuldan boshlab esa Qatarni blokada, ya’ni transport va fuqarolarning kirish-chiqishini qat’iyan cheklab qo‘ygan edi.
Eslatib o‘tamiz, dunyo xaritasiga nazar solganda Qatar yarim orol ekanini va u quruqlik tomonidan faqat Bahrayn bilan chegaradosh ekanini ko‘rish mumkin. Agar ushbu chegara yopilsa, Qatar oziq-ovqatsiz qolishi muqarrar. Shuning uchun Turkiya va Eron blokada e’lon qilinganidan boshlab Qatarga samolyot orqali oziq-ovqat mahsulotlari yetkizib bera boshladi.
