Jamiyat

Prezident Matbuot va axborot agentligi faoliyatiga oid farmonni imzoladi

© Sputnik/Viktor TolochkoPismennыy nabor glavы gosudarstva
Pismennыy nabor glavы gosudarstva - Sputnik Oʻzbekiston
Oʻzbekiston matbuot va axborot agentligi ommaviy axborot vositalari, axborot almashish, matbuot, noshirlik, matbaachilik, axborot-kutubxona faoliyati sohasidagi yagona davlat siyosatini amalga oshiruvchi davlat boshqaruvi organi etib belgilandi

TOSHKENT, 11 avgust — Sputnik. Oʻzbekiston prezidenti Shavkat Mirziyoyev Matbuot va axborot sohasida boshqaruvni yanada takomillashtirish toʻgʻrisidagi farmonni imzoladi, deb xabar bermoqda uzbekistan24.uz.

Farmonga muvofiq, Oʻzbekiston matbuot va axborot agentligi (keyingi oʻrinlarda – Agentlik deb yuritiladi) ommaviy axborot vositalari, axborot almashish, matbuot, noshirlik, matbaachilik, axborot-kutubxona faoliyati sohasidagi yagona davlat siyosatini amalga oshiruvchi davlat boshqaruvi organi etib belgilandi.

Zarubejnaya pressa - Sputnik Oʻzbekiston
Jamiyat
Oʻzbekiston Matbuot va axborot agentligiga yangi bosh direktor tayinlandi

Ommaviy axborot vositalari faoliyatiga doir qonunchilik ijrosini taʼminlash, ommaviy axborot vositalari, noshirlik, matbaachilik va axborot-kutubxona faoliyatini rivojlantirish, ommaviy axborot vositalari, noshirlik, matbaachilik va axborot-kutubxona faoliyatida qonun hujjatlari, davlat va tarmoq standartlariga rioya etilishi, soʻz va axborot erkinligi kafolatlariga rioya etilishi borasida monitoring va nazoratni amalga oshirish Agentlikning asosiy vazifalari etib belgilandi.

Agentlik shuningdek, axborot xavfsizligini taʼminlash, axborot sohasidagi xuruj va tahdidlarning oldini olishga qaratilgan choralarni amalga oshirishda ishtirok etadi.

Xorijda oʻzbek tili va adabiyotini keng targʻib qilish, nashriyotlarga kitob mahsulotlarining xalqaro kitob bozorida oʻz mavqei va salmogʻiga ega boʻlishida koʻmaklashish, mamlakat fuqarolari va yuridik shaxslarining axborotlarni tayyorlash, tarqatish, ulardan foydalanish sohasidagi huquq va manfaatlarini himoya qilishda qatnashish va mulkchilik shaklidan qatʼi nazar, ommaviy axborot vositalari uchun media bozorida teng sharoitlar yaratish boʻyicha zarur tadbirlar ishlab chiqish ham Agentlikning asosiy vazifalariga kiradi.

Hujjatga koʻra, Oʻzbekiston Respublikasi Xalq taʼlimi vazirligi va Oʻzbekiston matbuot va axborot agentligi muassisligidagi "Tong yulduzi" va "Klass!" gazetalari hamda "Gulxan" va "Gʻuncha" jurnallarini Oʻzbekiston Respublikasi Xalq taʼlimi vazirligi tasarrufiga toʻliq oʻtkaziladi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala