Hodisalar

Toshkentda giyohvand moddalar tayyorlangan bangixona aniqlandi

© FSB RF / Fotobankka oʻtishZaderjaniye prestupnika
Zaderjaniye prestupnika - Sputnik Oʻzbekiston
Er-xotin ikki yil davomida oʻz uyida morfin, kodein va opiy giyohvand vositalarni tayyorlash va sotish bilan shugʻullangan

TOSHKENT, 18 sen — Sputnik. MXX xodimlari giyohvand moddalar tayyorlangan uy faoliyatiga chek qoʻydilar, deb xabar qildi Sputnik muxbiri.

Unichtojeniye narkotikov sotrudnikami SNB Uzbekistana na okraine Tashkenta - Sputnik Oʻzbekiston
Hodisalar
Samarqandda giyohvand moddalar sotuvchilarga qamoq jazosi berildi

Ushbu uyda noqonuniy faoliyatini hech qayerda ishlamaydigan 52 yoshli Natalya Cherepovskaya va uning eri 49 yoshli Nazar Tojiboyev tashkil qilishgan. Qoʻlga olinganlarning ikkovi ham besh martadan giyovandlik bilan bogʻliq turli jinoyatlar, shuningdek, firibgarlik, oʻgʻrilik boʻyicha sudlangan.

"Er xotin oʻz uylarida giyohvand moddalarni tayyorlash va bangixona tashkil qilganlar. U yerda ular turli narkotik moddalar: morfin, kodein, opiy moddalarni tayyorlash, isteʼmol qilish va sotish ishlari bilan shugʻullanishgan. Tezkor xodimlar ushbu uyda 37 yoshli Erkin Parpiyev va 38 yoshli Igor Kimni qoʻlga olganlar. Ular ushbu uyda giyovand moddalarni sotib olib isteʼmol qilishgan", — deb taʼkidladi Sputnik muxbiriga organ xodimi.

Dastlabki tergov jarayonida shu maʼlum boʻldiki, Cherepovskaya va Tojiboyev oʻz uyida ikki yil davomida noqonuniy faoliyat bilan shugʻullanib kelishgan.

Izʼyatыe v xode reydov narkotiki - Sputnik Oʻzbekiston
Hodisalar
MXX yirik miqdordagi giyohvand modda olib kirilishining oldini oldi
Uyni koʻzdan kechirish davomida koʻknor, ammiak, eritgich, dimedrol, sanat, tropikamid singari tibbiy dori vositalari topilgan. Bular qon tomiriga yoʻnaltiruvchi ogʻir narkotik tayyorlashda ishlatiladi. Shuningdek, tezkor xodimlar giyohvand moddalarni tayyorlash uchun moʻljallangan asbob-uskunalarni ham topishgan.

Oʻtkazilgan ekspertiza natijalariga koʻra, olib qoʻyilgan morfin, kodein va opium giyohvandlik moddasi ekanligi tasdiqlandi.

Huquqni muhofaza qiluvchi organlar tomonidan Cherepovskaya va Tojibayevga nisbatan Jinoyat kodeksining giyohvandlik vositalari va psixotrop moddalarni oʻtkazish maqsadini koʻzlab qonunga xilof ravishda tayyorlash, olish, saqlash va boshqa harakatlar qilish moddasi boʻyicha jinoyat ishi qoʻzgʻatildi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala