Saudiya Arabistonida qirol saroyiga hujum uyushtirildi

TOShKENT, 8 okt — Sputnik. Saudiya Arabistonining g‘arbiy qismida, Jidda shahrida joylashgan qirol saroyiga hujum uyushtirildi, deb xabar qilinadi qirollik IIVning Tvitterdagi sahifasida.

"Dar as-Salom saroyi Qo‘riqlash xizmati qoshidagi tashqi qo‘riqlash posti avtomobildan o‘qqa tutilgan. Qo‘riqlash xizmati xodimlari hujumga zudkorlik bilan javob qaytarishgan, oqibatda hujum uyushtirgan shaxs hodisa joyida halok bo‘lgan", — deyiladi xabarda.

Hodisa shanba kuni ertalab yuz bergan. Hujum davomida qo‘riqlash xizmatining yana uch xodimi jarohat olgan.

Hujum uyushtirgan shaxs qirollik fuqarosi — 28 yashar Mansur al-Amriy ekanligi ma’lum.

Hujum uyushtirgan shaxsning avtomashinasidan Kalashnikov avtomati va uch dona "Molotov kokteyli" topilgan. Hujum qanday maqsadni ko‘zlab va qay holatda amalga oshirilgani hozircha noma’lum.

Ta’kidlab o‘tish joizki, shu kunlarda Saudiya Arabistoni qiroli Salmon bin Abdul Aziz al-Saud Moskvaga rasmiy tashrif uyushtirib, Rossiya prezidenti Vladimir Putin bilan turli sohalarda hamkorlik to‘g‘risida 14ta hujjat imzolagan edi.