TOShKENT, 8 noya — Sputnik. Pangiri yadroviy poligonda o‘tkazilgan sinovlardan so‘ng Shimoliy Koreyadagi turli qusurlarga ega bolalar dunyoga kela boshladilar. KXDR dan qochib o‘tgan fuqarolar bu haqda Janubiy Koreyaning Chosun Ilbo nashriga gapirib berishdi.
"Kilju (Pangiri poligoni joylashgan uyezd, tahr)da yashaydigan qarindoshimdan kasalxonalarda mutant-bolalar tug‘ilayotgani haqida eshitib qoldim", — deb aytgan Shimoliy Koreyadan kelgan qochqinlardan biri.
Yana bir qochqin esa radiatsiya yer osti suvlariga ham ta’sir ko‘rsatgani haqida xabar bergan.
Seul yadro texnikasi milliy universiteti professori Sux Kun-rulning izoh berishicha, yer qatlamida sinovlar tufayli hosil bo‘lgan yoriqlar natijasida suvlarning ifloslanishi singari holatlar yuzaga kelgan.
Guvohlarning so‘zlariga ko‘ra, odamlarni sinovlar haqida umuman ogohlantirishmaydi.
Pangiri aholisi yadro poligonini qo‘riqlaydigan askarlar va obyekt bilan bog‘liq plantatsiyaga ishlov beradigan bir nechta fermerlardan iborat.
"Ikkita yadro sinovi oldidan detonatorlar sinovi amalga oshirilgan edi. Mahalliy aholi detonatorlarni qazish uchun ishga chiqarilgandi. Shaxsan men o‘shanda darolardan oyoq-qo‘llari uzilgan murdalarning oqib o‘tayotganini ko‘rganman", — dedi o‘z hikoyasida qochqinlardan biri.
