IIBB Qo‘yliqda fohishalar to‘planishiga barham berish usulini topdi

© VALERY HACHE / AFPDevushka na doroge
Devushka na doroge - Sputnik O‘zbekiston
Obuna bo‘lish
Vaziyatni o‘nglash uchun huquqni muhofaza qilish organlari qat’iy choralar ko‘rishga qaror qildi. Doimiy nazorat olib borish maqsadida Qo‘yliqda Patrul-post xizmati budkasi o‘rnatilib, militsiya xodimlari bu yerda tunu-kun navbatchilik qilmoqdalar

TOShKENT, 4-iyun — Sputnik. Toshkent shahar IIBB ijtimoiy mas’uliyati pastlashib ketgan qizlarning eng sevimli joyiga aylangan Qo‘yliq bozori oldida tartib o‘rnatish bo‘yicha choralarni qabul qildi, deb xabar qilmoqda Sputnik O‘zbekiston muxbiri.

Sayyora Xodjayeva - Sputnik O‘zbekiston
Adliya polkovnigi Sayyora Xodjayeva IIBB inson huquqlarini poymol etayotganini ta’kidladi
Shu kunlarda O‘zbekistondagi ijtimoiy tarmoq guruhlarida Qo‘yliqqa yaqin joylashgan xonadonlarning birida istiqomat qiluvchi fuqaro tomonidan olingan video keng tarqaldi. Videoda Qo‘yliq bozori yonidagi ko‘prik ostida fohishalar to‘plangani aks etgan edi.

Bu joy xalq orasida yomon ma’noda mashhur bo‘lib, bu yerda kamida besh yildan buyon fohishalik bilan shug‘ullanuvchi ayollarning sevimli joyiga aylangan. Shuningdek ayol-mardikorlar ham aynan shu yerda to‘planishadi.

Huquqni muhofaza qilish organlari xodimlari bu yerga vaqti-vaqti bilan reydlar uyushtirib turgan, ammo bu ko‘p samara bermas edi — oradan yana ikki-uch kun o‘tib ko‘prik ostidagi "patachok" yana avvalgi sershovqin hayotiga qaytar edi.

Vaziyatni o‘nglash uchun huquqni muhofaza qilish organlari xodimlari bir martalik aksiyalar bilan chegaralanmaslikni, balki qat’iy choralar ko‘rish qarorini qabul qildi. Endilikda bu yerda doimiy nazorat o‘rnatish Patrul-post xizmati budkasi o‘rnatilgan va militsiya xodimlari tomonidan tunu-kun nazorat olib borilmoqda.

Devushka legkogo povedeniya - Sputnik O‘zbekiston
Endi fohishaxonaga borganlarga jarima solinishi mumkin
Bu IIBB tomonidan poytaxtda fuqarolar xavfsizligini ta’minlash bo‘yicha yo‘lga qo‘yilgan ilk loyiha.

Ikkinchi xuddi shunday budka Brodvey nomi bilan mashhur turistik ko‘chada joylashtirilgan. Huquqni muhofaza qilish organlari xodimlari bu yerda faqatgina navbatchilik qilish bilan cheklanishmaydi. Ushbu budkaga yaqinda joylashgan kameralar ham ulangan bo‘lib, militsiya xodimlari bu orqali katta territoriyada kuzatuv olib bormoqdalar. Bu ularga xavf tug‘ilgan taqdirda tezkorlik bilan uni bartaraf etish imkonini taqdim etadi.

Yangiliklar lentasi
0