TOShKENT, 19 mar — Sputnik. Joriy yilning 30-mart sanasidan boshlab, karantin e’lon qilingan ta’til vaqtidagi maktab o‘quvchilari uchun videodarslar o‘tib boriladi. Bu haqda Xalq ta’limi vazirligi axborot xizmati ma’lum qilmoqda.
Ushbu imkoniyat ta’tilda 1-11 sinfgacha bo‘lgan o‘quvchilarning bilim olishlari uchun tashkil etilgan bo‘lib, darslar “Oilaviy”, “Ma’rifat va madaniyat”, “Dunyo bo‘ylab” va “Yoshlar” telekanallari orqali namoyish etib boriladi.
Darslar uch tilda, o‘zbek, qoraqalpoq va rus tillarida 15 daqiqa davomida olib boriladi.
Eslatib o‘tamiz, avvalroq koronavirus epidemiyasining tarqalishi va uning oldini olish maqsadida ta’tilga chiqarilgan maktab o‘quvchilari uchun uy sharoitida darslar o‘tib borilishi xabar qilingan edi.
